“Vendimi arbitrar” i ministrit Latifi, kardiologët i drejtohen kryeministrit
Autori: Gazeta inFokus 19:08 | 15 April 2022
Një ekip prej 13 kardiologëve invazivë i është drejtuar me kërkesë zyrtare kryeministrit Albin Kurti, në një përpjekje për ndalimin e një urdhri për shkrirjen e Klinikës së Kardiologjisë Invazive në Klinikën e Kardiologjisë, raporton Paparaci.
Ata, në kërkesën e parashtruar të hënën, përmes avokatit Florim Shefqeti, kanë argumentuar se urdhri i nënshkruar nga ministri Rifat Latifi i shkakton dëm të madh Klinikës së Kardiologjisë Invazive, pacientëve dhe QKUK-së.
Ministri i Shëndetësisë, nënshkroi të premten e kaluar vendimin për ndryshimin e Statutit të QKUK-së, me anë të së cilës e ktheu Klinikën e Kardiologjisë Invazive, në Klinikën e Kardiologjisë.
Por, 13 kardiologë invazivë, të udhëhequr nga ish-drejtori i Shërbimit Spitalor, Klinik dhe Universitar, Basri Sejdiu, vlerësojnë se vendimi i ministrit Latifi mund të rrënojë shërbimet e kardiologjisë në sektorin publik të shëndetësisë.
Klinika e Kardiologjisë Invazive është i vetmi institucion shëndetësor publik, i cili ofron shërbimet e koronografisë dhe intervenime të tjera për sëmundjet e zemrës.“I nderuari Kryeministër! Nga themelimi i klinikës së Kardiokirurgjisë me Kardiologji Invazive, shërbimet kardiologjike janë multiplikuar – krahasuar me vitet parapare.
Ky shërbim, si për nga aspekti infrastrukturorë, ashtu edhe vëllimor, ishte shndërruar në shembull të mirë për gjithë rajonin”.
Kësisoj, ekipi i kardiokirurgëve kosovarë ka pohuar se urdhri për shuarjen e klinikës paraqet regres të madh për sistemin shëndetësor.
“Si rezultat i mbingarkesës së QKUK-së gjatë pandemisë COVID-19, menaxhmenti i ShSKUK-së ka reduktuar ndjeshëm kapacitetet hapësinore të Kardiologjisë Invazive për mbi një vit, gjë që ka në zgjatjen enorme të listës së pritjes së pacientëve për procedurat invazive kardiologjike”, thuhet në kërkesën e tyre, që e ka siguruar mediumi online Paparaci.
Përveç arsyeve profesionale, vendimi i ministrit Latifi mund të bie ndesh me ligjet.13 kardiokirurgët kanë informuar kryeministrin Kurti se “vendimi arbitrar” i Bordit të ShSKUK-së, i nënshkruar edhe nga ministri Latifi, është kundër-kushtetues.
“Në bazë të Kushtetutës neni 3, paragrafi 2, i cili përcakton se: Ushtrimi i autoritetit publik në Republikën e Kosovës bazohet në parimet e barazisë para ligjit të të gjithë individëve dhe në respektimin e plotë të të drejtave dhe lirive themelore të njeriut, të pranuara ndërkombëtarisht, si dhe në mbrojtjen e të drejtave dhe në pjesëmarrjen e të gjitha komuniteteve dhe pjesëtarëve të tyre”, thuhet në pretendimin e kardiologëve.
Po ashtu, ata pretendojnë se është shkelur rregullorja për standardet minimale për procesin e konsultimit publik, si dhe udhëzimi administrativ për hartimin e akteve normative.
Tutje, mjekët potencuan se “sipas informacioneve që kemi marrë, gjykojmë se qëndrimet e paraqitësve të kësaj kërkese, burojnë nga iniciativat dhe propozimet e grupeve të interesit dhe nga persona nga Klinika e Kardiologjisë me qëllime të paqarta”.
Ata njoftuan kryeministrin se i kanë realizuar 1 mijë e 935 koronarografi dhe njëmijë e 105 procedura intervente, vetëm gjatë vitit 2020.
Ekipi i kardiologëve përbehet nga Basri Sejdiu, Xhevdet Krasniqi, Aurora Bakalli, Luljeta Durmishi, Daut Gorani, Violeta Kamberi, Fisnik Veliu, Artan Krasniqi, Jetmir Sejdiu, Denis Zijabeg, Lulzim Bashota, Taulant Sadriu dhe Luan Keka.Të njëjtit presin që shefi i qeverisë të ndërmarrë hapat ligjorë për t’i “evidentuar parregullsitë e përmendura më lartë”.
Edhe vitin e kaluar, kardiologët invazivë kishin qenë kundër ndarjes nga Kardiokirurgjia, pas një vendimi të Bordit të Shërbimit Spitalor Klinik e Universitar të Kosovës, më 3 mars të 2021-s.Bordi i ShSKUK-së, atëkohë mori vendim që Njësia e Kardiologjisë Invazive të rikthehet në kuadër të Klinikës së Kardiologjisë, ashtu siç kishte qenë të kaluarën.
Megjithatë këtë vendim, e kishin kundërshtuar 16 kardiologë invazivë, të cilët i patën mbledhur nënshkrimet dhe ia kishin përcjellë ish-kreut të shëndetësisë, Armend Zemaj.Në 2017 ishte hera e fundit kur Kardiologjia Invazive iu ri-bashkëngjit Kardiokirurgjisë.
Të tjera
-
Mbrojtja propozon të kryhet ekspertizë e re psikiatrike ndaj të akuzuarit për vrạsjen e vëllait
Në seancën e së premtes në Gjykatën Themelore në Mitrovicë, mbrojtësja e të a...
-
Sarrazin i kërkon Qeverisë t’i heq masat ndaj mallrave serbe, flet për pasoja të rënda në rast të refuzimit
Manuel Sarrazin, emisar i Gjermanisë për Ballkanin Perëndimor ka bërë një ana...
-
Gjermania hap dyert për 250 mijë emigrantë të këtij vendi
Gjermania do të hapë dyert për 250 mijë punëtorë kenianë të kualifikuar dhe g...
-
“Qëllimi jonë është Islamizimi i Kosovës e Preshevës. Unë nuk jam shqiptar”, hoxha nga Sanxhaku me deklaratë të rrezikshme
Një hoxhë nga Sanxhaku, që flet shqip ka mbajtur sot një tubim në Luginën e P...
-
Lista preliminare e provimit për prokurorë të shtetit
Këshilli Prokurorial i Kosovës shpall listën preliminare të provimit të kandi...
-
REL: Kosova dhe Serbia kanë konfirmuar pjesëmarrjen në takimin e 17 shtatorit
Burimet e Radios Evropa e Lirë në Bashkimin Evropian kanë thënë se presin që ...
-
Ra nga kati i tretë i objektit ku punonte, vdes 48 vjeçari në Prizren
Një person ka vdekur sot në vendin e tij të punës. Rasti ka ndodhur në Pri...
-
Parlamentari serb: Vuçiq shpalli kapitullimin në Kosovë
Deputeti opozitar në Parlamentin e Serbisë, Zdravko Ponosh, ka reaguar pas ko...
-
Haziri pas konferencës së Vuçiqit: Kosova mos të bie në hendekun e Serbisë
Nënkryetari i LDK-së, Lutfi Haziri, ka reaguar pas konferencës që mbajti pres...
-
Incidenti në veri, kthehen afishet, tash pro-Radoiçiqit
Sikur fotografia, me kujdes janë zgjedhur edhe fjalët. Kryeterroristit Mil...
-
Kurti me videolidhje pjesë e panelit ku ishte edhe Lajçak – akuza Vuçiqit se e përdor Kosovën dhe Bosnjën për të siguruar lëshime nga Perëndimi
Gjatë paradites së 13 shtatorit, kryeministri i Kosovës, Albin Kurti, me vide...
-
Përkundër që ndau rrugët me Vetëvendosjen, Fatmir Humolli përkrah qeverisë për veriun
Deputeti Fatmir Humolli ka një kohë që i ka ndarë rrugët me Lëvizjes Vetëvend...