Lajme

Linçime të panumërta nga ana e deputetëve të VV-së, reagojnë nga KPK-ja

Autori: Gazeta inFokus 16:33 | 08 April 2022

Këshilli Prokurorial i Kosovës ka reaguar pas linçimeve që iu janë bërë nga deputetët e Kuvendit të Kosovës, në veçanti nga ata të VV-së,

KPK, me anë të një komunikate për media, ka thënë se gjuha e deputetëve, që sipas tyre kanë të kaluar penale, tejkalon të gjitha limitet e gjuhës institucionale, shkruan lajmi.net.

“Këshilli i Prokurorial i Kosovës (KPK), gjatë ditëve të fundit, është duke u atakuar në mënyrën më të ulët nga përfaqësuesit politikë, përfshirë këtu edhe deputetët e Kuvendit të Kosovës, individë që kanë kaluar dhe janë duke kaluar nëpër procedura penale dhe nga grupet e interesit, ku, sipas tyre, Këshilli Prokurorial dhe bartësit e funksioneve prokuroriale janë “grup dhe kokë kriminale””, thuhet në njoftim.

-Advertisement-

“Kjo gjuhë tejkalon të gjitha limitet e një gjuhë institucionale dhe shpërfaqë në mënyrë të qartë tendencat e hapura për rrënimin e sistemit prokurorial”, sqarohet më tutje.

“Këshilli Prokurorial i Kosovës, si institucion i pavarur kushtetues, ua bënë të qartë të gjithëve, përfshirë edhe përfaqësuesve politikë, se nuk do t’u bindet interesave politike dhe atyre të grupeve të interesit, pavarësisht tendencave të tyre”, përfundon njoftimi.

Deputeti i Lëvizjes Vetëvendosje, Adnan Rrustemi e ka quajtur KPK-në si institucion të kapur.

Përgjatë seancës së djeshme, në anën tjetër, deputeti tjetër i VV-së, Dimal Basha, e ka cilësuar KPK-në si kokë krimi përbrenda sistemit prokurorial.

“Duhet me sulmu nga koka se koka është e kalbur. KPK është koka e krimit brenda sistemit prokurorial të Kosovës”, deklaroi ai në Kuvend. /Lajmi.net/

Subscribe në YouTube: GAZETA INFOKUSI