Lajme

Ja ku është edhe Danimarka: Dhuron 2 mijë e 700 armë për Ukrainën

Autori: Gazeta inFokus 21:09 | 27 February 2022

Danimarka do t’i dhurojë Ukrainës 2700 armë antitank, u tha gazetarëve sot kryeministrja Mette Frederiksen, raporton Reuters.

Ajo tha se Danimarka do t’i lejojë shtetasit e saj t’i bashkohen brigadave ndërkombëtare që formohen për të luftuar në Ukrainë kundër forcave ruse.

“Është një zgjedhje që çdokush mund të bëjë. Kjo vlen për të gjithë ukrainasit që jetojnë këtu, por edhe për të tjerët që mendojnë se mund të kontribuojnë drejtpërdrejt në konflikt,” tha Frederiksen në një konferencë shtypi, transmeton AFP.

-Advertisement-

“Nuk ka asgjë në shikim të parë që do të pengonte ligjërisht dikë që të shkojë në Ukrainë për të marrë pjesë në konflikt, nga pala ukrainase,” shtoi ajo.

Më herët të dielën, presidenti i Ukrainës, Volodymyr Zelensky, u bëri thirrje të huajve të shkojnë në ambasadat e Ukrainës në mbarë botën për t’u regjistruar në një “brigadë ndërkombëtare” vullnetarësh për të ndihmuar në luftimin e forcave pushtuese ruse.

Subscribe në YouTube: GAZETA INFOKUSI