Lajme

ZRrE tregon çfarë vendime u morën ne mbledhjen e sotme te bordit

Autori: Gazeta inFokus 15:37 | 31 Janar 2022

Zyra e Rregullatorit të Energjisë Elektrike në Kosovë sot ka mbajtur mbledhjen e dytë të radhës për këtë vit, shkruan Gazeta Infokus.

Sipas tyre qëllimi kryesor i miratimit të Bilancit Vjetor të Energjisë Elektrike është që të projektojë përmbushjen e nevojave të konsumatorëve me energji elektrike, në sasi të mjaftueshme gjatë vitit, duke angazhuar kapacitetet e prodhimit dhe importit të energjisë elektrike.

Përmes një njoftimi të ZRrE-së, thuhet se Bordi ka miratuar Bilancin Vjetor të Energjisë Elektrike për vitin 2022.

-Advertisement-

Poashtu, thuhet se në këtë seancë Bordi ka miratuar edhe Bilancet Vjetore të Energjisë Termike për ndërmarrjet NQ Termokos dhe NQ Gjakova.

“Po ashtu në këtë seancë, Bordi ka miratuar edhe Bilancet Vjetore të Energjisë Termike për ndërmarrjet NQ Termokos dhe NQ Gjakova. Në këtë seancë, Bordi i ZRRE-së, ka caktuar Korporatën Energjetike të Kosovës (KEK), në kuadër të Licencës për Furnizim, që të ushtrojë përkohësisht, por jo me gjatë se gjashtë (6) muaj funksionin e furnizuesit të mundësisë së fundit, periudhë kjo brenda të cilës do të zhvillohet tenderi i ri”, thuhet në njoftimin e ZRrE-së.

Sipas njoftimi poashtu thuhet se Bordi i ZRRE-së, ka shqyrtuar aplikacioni tarifor të NQ Gjakova, duke marrë parasysh se, të hyrat gjegjësisht tarifat kanë ndikim direkt në konsumatorin, por edhe në qëndrueshmërinë financiare dhe operative të ndërmarrjes.

Bordi ka kërkuar që vlerësimi i aplikacionit tarifor të vendoset në konsultim publik për një periudhë dy javore.

Pjesë e shqyrtimit nga Bordi kanë qenë edhe disa ankesa të konsumatorëve dhe çështje të tjera që ndërlidhen me funksionimin e sektorit si dhe të Zyrës së Rregullatorit për Energji.

Ndërkaq të gjitha vendimet e Bordit të ZRRE do të publikohen në faqen elektronike zyrtare të ZRRE https://www.ero-ks.org/zrre/


/Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy