Sport

Kupa e Kosovës/Hidhet shorti për çerekfinale, spikat derbi mes Pejës dhe Sigal Prishtinës

Autori: Gazeta inFokus 10:55 | 29 December 2021

Në bazë të sistemit të Bergerit të rregullores së Kupës së Kosovës, pas 14 xhirove të zhvilluara në Art Motion Superligë, është hedhur shorti për Final 8 në Kupën e Kosovës në basketboll në kategorinë e meshkujve.

Në kuadër të fazës çerekfinale të kësaj gare, lideri i tabelës Golden Eagle Ylli do të përballet me vendin e fundit në tabelë Dritën, përcjell KosovaPress.

Kurse, përballja më interesante që spikat këtë short do të jetë ajo mes dy rivalëve të vjetër të këtij sporti, respektivisht mes Pejës dhe Sigal Prishtinës.

-Advertisement-

Përballja e fundit mes këtyre dy skuadrave ishte në Superkupë, ku në atë ndeshje skuadra pejane arriti që të kualifikohet drejt gjysmëfinales.

Ndërkaq, në kuadër të këtij shorti do të kemi edhe përballje lokale, ku skuadra e Prizrenit 16 do të zhvillojë ndeshje kundër Bashkimit.

Ndeshjet çerekfinale do të zhvillohen më 9 dhe 10 Shkurt 2022, kurse turneu do të zgjasë deri më 13 Shkurt 2022. Fituese aktuale e Kupës është Sigal Prishtina.

Në kuadër të fazës së gjysmëfinales do të përballen fituesit e çiftit Golden Eagle Ylli-Drita me Prizreni 16-Bashkimi, si dhe fituesit e takimit Trepça-Rahoveci me Peja-Sigal Prishtina.

Shortin e çerekfinales së Kupës së Kosovës në basketboll e gjeni më poshtë.

Golden Eagle Ylli – Drita

Trepça – Rahoveci

Peja – Sigal Prishtina

Prizreni 16 – Bashkimi

Subscribe në YouTube: GAZETA INFOKUSI