Kurti tha se rryma në Kosovë kushton lirë, në vitin 2015 protestonte kundër çmimeve
![](https://gazetainfokus.com/wp-content/uploads/2021/12/collage-4-600x360-1.jpg)
Autori: Gazeta inFokus
17:55 | 13 December 2021
Kryeministri Albin Kurti ka thënë sot në Kuvend se qytetarët po shpenzojnë shumë energji elektrike, edhe për shkak se ajo u kushton lirë. Në opozitë, partia e tij thoshte se duhej të mbrohej interesi i qytetarëve e të mos rriten çmimet e rrymës, e madje edhe protestonte në rrugë për këtë çështje, raporton Gazeta Express.
Kryeminsitri Kurti nuk foli sot në Kuvend si socialdemokrati i opozitës dikur, që ishte gjithmonë kundër shtrenjtimit të rrymë dhe gjithmonë kundër shpërndarësit privat të rrymës.
Duke njoftuar se “kriza energjetike po na troket në derë”, Kurti tha se Kosova po blen shtrenjtë rrymë dhe po ua shet atë shumë lirë qytetarëve.
“Çmimet e energjisë elektrike në bursë janë shumëfishuar dhe nuk mund të ngelet as tek ne një situatë e favorshme, përderisa vazhdojmë të paguajmë vetëm 7 centë për kilovat/orë. Pra, është e vërtetë që po blejmë shtrenjtë dhe po shesim lirë energji elektrike dhe pa një afat të caktuar”, tha Kurti.
Ai tha se “konsumi është i kollajshëm”, me një theks kritike për qytetarët që tha se po shpenzojnë shumë energji elektrike.
“Konsumi është tejet i madh, edhe për shkak të stinës së dimrit, edhe për shkak se mënyra jonë edhe e punës, edhe e banimit, edhe e jetesës është e organizuar rreth ngrohjes përmes termo-elektranave, por qe besa, edhe për shkak se energjia elektrike është lirë dhe konsumi është i kollajshëm”, tha kryeministri.
Në prill të vitit 2015, LVV-ja, AAK-ja e Nisma kishte thirrur një protestë në qendër të Prishtinës për ta kundërshtuar, mes tjerash, edhe çmimin e lartë të rrymës.
Mungesa e konsensusit për ta futur në rend të ditës atëherë një peticion të nënshkruar nga 35 mijë qytetarë kundër shtrenjtimit të energjisë elektrike, e kishte bërë LVV-në, AAK-në e Nismën që të lëshonin mbledhjen e Kryesisë së Kuvendit dhe shefave të grupeve parlamentare.
Glauk Konjufca, atëherë deputet, kishte thënë se mospërfillja e peticionit të qytetarëve shpërfaqte mungesën e kujdesit ndaj mirëqenies dhe standardit të popullatës.
“Ajo e prek qytetarin e varfër të Kosovës i cili po përballet dita ditës me problemet më ekzistenciale të mundshme. Tash përveç halleve të shumta që i kemi, përveç ikjes masive të qytetarëve, përveç shtrenjtimit të mallrave të ndryshme, po duan t’ia shtojnë edhe një hall më shumë qytetarit të Kosovës e ky është shtrenjtimi i çmimit të energjisë elektrike”, kishte thëmë më 14 prill 2015, tani kryeparlamentari Glauk Konjufca.
Për këtë çështje, rreth shtatë vjet më parë, LVV-ja akuzonte Zyrën e Rregullatorit të Energjisë Elektrike, KEDS-in e KESCO-n.
“Nga Tryeza me temë “Çmimi i energjisë – problemet dhe parregullsitë – masat që duhen marrë”, nga e cila u nxorr përfundimi që Zyra e Rregullatorit deri tani është sjellë si zyrë kontabiliteti e kompanisë private KEDS/KESKO. Zyra e Rregullatorit do të duhej të mbronte interesin e qytetarëve duke mos i rritur çmimet”, shkruhej në një postim të LVV-së.
Në fillim të këtij muaji, kompania kosovare për Distribuim të Energjisë Elektrike (KEDS), nuk e ka përjashtuar mundësinë e rritjes së çmimeve të energjisë elektrike, ndërsa ka kërkuar ndihmë nga të gjithë për t’u përballur me krizën.
Mundësitë financiare, KEDS-i thotë se janë shterur deri në fund si pasojë e përballjes me çmime të larta për importimin e energjisë elektrike.
“Në këtë situatë të rëndë energjetike, KEDS dhe KESCO, ashtu sikurse edhe kompanitë e sektorit të energjisë së shteteve evropiane, kërkojnë ndihmën e të gjithë akterëve të sektorit energjetik dhe institucioneve relevante, në mënyrë që këtë rrugë të rënduar mos ta bëjnë të vetme dhe që kjo situatë të afektojë sa më pak që është e mundur konsumatorët në këtë kohë, por edhe në të ardhmen”, thuhej në komunikatën e KEDS-it.
Kompania kosovare për Furnizim me Energji Elektrike (KESCO), disa ditë u ka dërguar mesazhe qytetarëve, duke i apeluar ta kursejnë energjinë elektrike.
![](https://gazetainfokus.com/wp-content/uploads/2023/10/IMG_8290.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...