Lajme

Aktakuzë ndaj një personi në Prizren për posedim dhe shitje të narkotikëve

Autori: Gazeta inFokus 14:33 | 03 December 2021

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit A.Sh., për shkak të dyshimit të bazuar mirë se i njëjti kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Sipas aktakuzës, “i pandehuri A.Sh., më 04.11.2021, rreth orës 19:30, në Prizren, pa autorizim posedon me qëllim të shitjes ose shpërndarjes substanca ose preparate, të cilat janë shpallur me ligj si narkotikë, substancë psikotrope ose substanca analoge në atë mënyrë që, pas zbatimit të urdhër-kontrollit nga Policia e Kosovës në shtëpinë e tij, në Prizren, arrijnë të gjejnë dëshmitë si në vijim:

– Shtatëmbëdhjetë (17) qese të vogla plastike, të cilat dyshohet se përmbajnë substancë narkotike të llojit kokainë, gjithsej me peshë prej 10.8 gramë;

-Advertisement-

– Një (1) peshore e vogël digjitale me mbishkrim “Constant 14192-616C’’;

– Para të gatshme 2×5 euro; 1×10 euro dhe një fishek i pistoletës, të cilat dëshmi janë sekuestruar nga ana e Policisë”.

Në këtë mënyrë, i pandehuri i lartcekur ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Nga Prokuroria kanë bërë të ditur se prokurori i çështjes me rastin e ngritjes së aktakuzës i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri për veprën penale për të cilën akuzohet të shpallet fajtor dhe të dënohet sipas ligjit.