Lajme

Andin Hoti largohet nga PDK-ja

Autori: Gazeta inFokus 09:15 | 15 September 2021

Kryetari i delegacionit të Kosovës në bisedime për çështje e personave të zhdukur, Andin Hoti i cili në mandatin e kaluar ishte pjesë Partisë Demokratike të Kosovës (PDK), është larguar përfundimisht nga kjo parti.

Këtë e ka bërë të ditur në ATV, anëtari i kryesisë së PDK-së, Adri Nurellari.

I pyetur për përkrahjen që Hoti i ka dhënë Kurtit rreth çështjes së arkivave, Nurellari u shpreh se nuk i vije çudi që kur një person largohet nga partia t’i ndërrojë edhe qëndrimet për një post.

-Advertisement-

“Po njerëzit që marrin poste, pastaj në këmbim të posteve që marrin e ndryshojnë edhe besnikërinë e tyre. Nuk është rasti i parë që dikush largohet nga PDK-ja dhe shkon i bashkohet një partie tjetër, i ndërron qëndrimet dhe pozicionet,” – the ai.

Tutje Nurellari e ka përsëritur qëndrimin e PDK-së rreth pretendimeve për ekzistencën e arkivave të UÇK-së duke shtuar se kushdo që thotë se ato ekzistojnë, e dëmton Kosovën dhe se është qëndrim i papërgjegjshëm.

Subscribe në YouTube: GAZETA INFOKUSI