Sport

Fitore e rëndësishme për mitrovicasit, Trepça fiton ndaj Vreshtarëve

Autori: Gazeta inFokus 20:30 | 24 February 2021

Trepça ka shënuar fitore si mysafire ndaj Rahovecit me shifrat 67:78 (18:26, 14:16, 21:16, 14:20), në kuadër të javës së 20-të në Superligën e Kosovës në basketboll.

Mysafirët e nisën ndeshjen më mirë, duke e fituar çerekun e parë me rezultat 18:26.

Vendasit e filluan më mirë periudhën e dytë, duke ngushtuar shifrat në 27:30, por ‘Xehetarët’ sërish shkëputen dhe e përfundojnë pjesën e parë në të mirë të tyre, 32:42.

-Advertisement-

Vreshtarët ishin më të mirë në periodën e tretë, duke ngushtuar shifrat dhe duke kaluar në epërsi 46:45, por mitrovicasit me një seri të suksesshme sërish kalojnë në epërsi, kurse rezultati në semafor pas 30 minutash ishte 53:58.Në 10 minutat e fundit, Trepça ishte më e vëmendshme dhe në fund triumfoi me meritë 67:78.

Te Rahoveci, Isaiah Traylor dhe Alban Veseli shënuan nga 17 pikë, kurse te Trepça u dalluan Stavros Toutzaiarkis me 18 pikë e 12 kërcime dhe Drilon Hajrizi me 19 pikë e tetë kërcime.

Rahoveci ka 12 fitore dhe tetë humbje, ndërsa Trepça shtatë fitore dhe 13 humbje.

Subscribe në YouTube: GAZETA INFOKUSI
Birra të ftohta e me shumë ZBRITJE veç në Viva Fresh!
-Advertisement-

Të tjera

Fokusi

sport