Sport

Fjalët e Jose Mourinhos pas disfatës nga Liverpooli

Autori: Gazeta inFokus 23:59 | 28 January 2021

Tottenhami ka pësuar humbje me rezultat 3-1 nga Liverpooli, në duelin e zhvilluar në kuadër të xhiros së 20-të në Premierligë, shkruan Gazeta inFokus.

Golin e vetëm për ‘Spurs’ e realizoi Hojbjerg (49’), kurse golat për ‘The Reds’ i shënuan Firmino (45+4’), Arnold (47’) dhe Mane (65’).

Pas përfundimit të ndeshjes ka folur trajneri i Tottenhamit, Jose Mourinho, i cili ka thënë se ekipi i tij në pjesën e parë ishte i organizuar mirë, por disa gabime që bënë lojtarët i kushtuan me humbje

-Advertisement-

“Analiza ime është se kemi filluar shumë mirë, por ne gabuam në mbrojtje dhe e pësuam. Kjo ishte loja për ne, ekipi në pjesën e parë ishte shumë mirë i organizuar, goli ishte një tjetër gabim në të njëjtën pozitë. Pjesa e dytë na u desh të bëjmë ndryshime, ne e humbëm Harry, duhet të ndryshojmë strukturën e ekipit. Minuta e parë, i njëjti gabim, goli i dytë. Reagimi i mirë, një tjetër gabim dhe gol. Ishte një ekip që luftonte kundër gabimeve të veta. Disa gabime individuale që i patë, ju mund t’i përsëritni dhe unë nuk mund të them më tepër se kaq”, deklaroi Mourinho pas takimit.

Pas kësaj disfate, Tottenhami renditet i gjashti me 33 pikë, katër me pak se Liverpooli që renditet i katërti./Gazeta inFokus/

Subscribe në YouTube: GAZETA INFOKUSI