Lajme

60 pacientë me COVID-19 po trajtohen në Spitalin e Pejës, 15 në gjendje të rëndë

Autori: Gazeta inFokus 10:27 | 04 September 2020

Në Spitalin e Pejës po trajtohen 60 pacientë me COVID-19. Prej tyre 15 janë në gjendje të rëndë shëndetësore, kurse 41 pacientë të tjerë janë duke u trajtuar me oksigjenoterapi dhe 2 me respirator.

Nga spitali kanë njoftuar edhe se dy pacientë janë shëruar nga virusi korona.

“2 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. Aktualisht po trajtohen 60 pacientë me Covid-19. Sa i përket gjendjes së pacientëve, 2 janë në Respirator, 41 pacientë janë në Oksigjeno terapi dhe nga këta 15 pacientë janë në gjendje më të rëndë”, thuhet në njoftimin e spitalit.

-Advertisement-

Ndërsa, nga personeli i Spitalit aktualisht janë të infektuar 2 mjekë, 4 Infermierë dhe 3 punëtorë të shërbimeve teknike.

Gjatë 24 orëve të fundit në Spitalin e Përgjithshëm në Pejë, 190 pacientë kanë marrë trajtim emergjent shëndetësore.

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme