Ekonomi

Sa u pasuruan miliarderët amerikanë gjatë pandemisë?

Autori: Gazeta inFokus 22:53 | 06 June 2020

Gjatë tre muajve të fundit, miliarderët amerikanë janë bërë me 565 miliardë dollarë më të pasur, madje edhe në mes të krizës së coronavirusit.

Ndërsa COVID-19 shkatërroi Amerikën, mbylli bizneset dhe bëri që gati 43 milionë amerikanë të paraqiten si të papunë, të pasurit u bënë edhe më të pasur, transmeton Telegrafi.

Pasuria totale për miliarderët tani është në 3.5 trilionë dollarë – 19 për qind më shumë nga momenti se kur filloi pandemia më 18 mars, sipas një azhurnimi të Institutit për Studime të Politikave të botuar të enjten.

-Advertisement-

Në 11 javë, nga 18 marsi deri më 4 qershor, pasuria totale e miliarderëve u rrit me 565 miliardë dollarë.

Jeff Bezos i Amazon pa që vlera e tij të rritej me 36.2 miliardë dollarë më shumë që nga 18 marsi.

Mark Zuckerberg, bashkëthemeluesi dhe CEO i Facebook, ka parë që pasuria e tij të rritet me 30.1 miliardë dollarë më shumë që nga 18 mars, zbuloi raporti IPS.

Për më tepër, Elon Musk i Tesla-s, themeluesit e Google, Sergey Brin dhe Larry Page dhe ish-CEO i Microsoft, Steve Ballmer, janë ngjitur të gjithë me 13 miliardë dollarë që nga 18 marsi, thuhet në raport. /Telegrafi/