Lajme

77-shi i PDK-së Shahin Dervishaj viziton një biznes në Vushtrri, pritet ngrohtë nga punëtorët dhe pronari

Autori: Gazeta inFokus 16:46 | 09 January 2025

Kandidati për deputet nga radhët e Partisë Demokratike të Kosovës (PDK), Shahin Dervishaj, me numër 77 në listën zgjedhore, ka vizituar kompaninë vushtrriase.

Gjatë vizitës, Dervishaj u shpreh i ngazëllyer me zhvillimin dhe progresin e kompanisë, duke theksuar numrin e madh të punëtorëve që janë angazhuar në këtë biznes.

Ai vlerësoi standardet e larta të “Loni Dekor”, duke deklaruar se kompania nuk dallon nga bizneset e mëdha në Gjermani, vend ku edhe ai vetë ka ndërtuar një karrierë të suksesshme.

-Advertisement-

“Ky është një shembull i shkëlqyer i suksesit vendor. Kompani si ‘Loni Dekor’ dëshmojnë se edhe në Kosovë mund të krijohen biznese të qëndrueshme dhe konkurruese,” u shpreh Dervishaj.

Pronari i kompanisë, Faton Hyseni, dhe punëtorët e tij e pritën ngrohtësisht Dervishajn, duke e vlerësuar përvojën dhe suksesin e tij në Gjermani. Ata shprehën dëshirën që ai të sjellë praktikat dhe përvojën e tij ndërkombëtare në Kosovë, për të kontribuar në zhvillimin ekonomik të vendit.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme