Lifestyle

5 zgjidhje 5 minutëshe për 5 probleme të fytyrës

Autori: Gazeta inFokus 18:12 | 22 June 2018

Problemet e fytyrës ndonjëherë bëhen aq shqetësuese sa që duket sikur duhet një shekull i tërë për t’i zgjidhur.

Për këtë arsye po ju tregojmë si të zgjidhësh në pesë minuta çdo problem të fytyrës.

Lëkura e thatë

-Advertisement-

Lëkura e thatë është ajo që shpie ne rrudha dhe në probleme të mëvonshme më të theksuara. Për të eliminuar “shkretëtirën” e lëkurës ekziston një truk 5 minutësh.

Grini pak avokado çdo natë para se të flini. Vendoseni në fytyrë dhe mbajeni aty deri në mëngjes. Vaji i avokados do të zhduk sa hap e mbyll sytë shkretëtirën nga fytyra juaj.

Vetullat e zbehta

Qumështi i ushqen qimet dhe i bën ato të rriten më të trasha dhe më të dendura. Për të shpëtuar nga vetullat e holla, vendosni pak qumësht mbi to çdo natë përpara se të flini.

Poret

Nëse keni pore të zmadhuara dhe lehtësisht të dallueshme, atëherë ne po ju japim zgjidhjen e këtij problemi. Për këtë ju vjen në ndihmë uthulla e mollës.

Me ndihmën e një pambuku vendosni në fytyrë para gjumit uthull molle. Ky përbërës do të bëjë pastrimin dhe mbylljen e poreve të lëkurës.

Rrathët e zinj

Rrathët e zinj poshtë syve zakonisht formohen si pasojë e një rutine të lodhshme. Gjithsesi për të zhdukur nga jeta juaj këtë problem, mjafton të vendosni poshtë syve akull çdo mëngjes.

Akulli do të reduktojë ënjtjen dhe ngjyrën e errët poshtë syve.

Pushi i fytyrës

Pushin e fytyrës mund ta eliminoni mjaft mirë me ndihmën e dyllit. Ama po për të njëjtin problem ekziston një zgjidhje më e lehtë dhe më efikase.

Në një enë shtoni një të verdhë veze, niseshte dhe pak sheqer. Pasi të keni krijuar një masë homogjene duke i trazuar përbërësit, maskën që krijuat vendoseni në fytyrë dhe lëreni aty për rreth 20 minuta. Më pas lajeni fytyrën vetëm me ujë të ngrohtë.

Nëse e përsërisni këtë rutinë për rreth katër javë do të vini re që pushi i fytyrës tuaj do të jetë zhdukur gradualisht.