Sport

5 ndeshje, tre skuadra nuk njohin humbje ende!

Autori: Gazeta inFokus 16:53 | 18 September 2017

Kanë kaluar pesë xhiro të edicionit të ri të garave në Vala Superligën e Kosovës në futboll, ndërsa tri skuadra edhe nuk njohin humbje, shkruan futbollikosovar.com.

Llapi: Liderë në tabel e ka nisur mjaft mirë edicionin dhe në bazë të paraqitjeve të bëra mund të thuhet se me plot merit gjindet në atë pozitë. Tri fitore e dy barazime janë bilanci në pesë xhiro, me goldallim 5-1.

-Advertisement-

Gjilani: Ruajti bazën kryesore të ekipit dhe me disa ardhje të reja klubi gjilanas u konsolidua mjaft mirë duke bërë që paraqitjet në start të edicionit të jenë briliante. Dy fitore e tri barazime qysh në start janë shenjë e mirë për skuadren e Gjilanit e cila momentalisht renditet në poziten e tretë në tabel.

Feronikeli: Ju larguan shumë futbollist cilësor që barten barren kryesore në skuadër, mirëpo gjeti zavendësime shumë shpejt për ta. ‘Nikli’, këtë vitë në pesë takime nuk njeh humbje duke arritur 2 fitore dhe 3 barazime me goldallim 4-2. Duke u renditur si e katërta në tabel.