Fun & Video

30 milionë amerikanë në rrezik nga kanceri për shkak të ujit të kontaminuar të çezmës

Autori: Gazeta inFokus 09:21 | 10 May 2017

Amerikanët mund të përballen me krizë të ujit, pasi sipas një raporti të ri thuhet se afër 30 milionë njerëz konsumojnë ujë të kontaminuar nga çezma.

Një raport nga Këshilli i Mbrojtjes së Burimeve Natyrore ka gjetur se uji që konsumojnë qytetarët është i ndotur për shëndetin, duke përfshirë këtu në përmbajtje, plumb, bakër, arsenik që mund të shkaktojnë kancer nga helmet, transmeton Indeksonline.

Këta ndotës mund të çojnë në dëmtim të mëlçisë dhe të veshkave, në shfaqje të kancerit dhe në defekte gjatë lindjes. Veçanërisht e dëmshme është edhe për të mësuarit e fëmijëve me aftësi të kufizuar dhe për dëmtimin e sistemit nervor qendror të tyre.

-Advertisement-

Më me rrezik për të pasur sistem të furnizimit me ujë të kontaminuar ishin komunitetet e vogla rurale, ato me rreth 500 njerëz. Kjo ka bërë 70 përqind të veprave të raportuara.

Erik Olson, drejtori i programit shëndetësor në NRDC në një raport ka thënë se: “Amerika po përballet me një krizë mbarëkombëtare e ujit të pijshëm që shkon përtej kontaminimit me plumb”.

“Problemi është i dyfishtë: Nuk ka asnjë mbikëqyrje për zbatimin e ligjit të ujit të pijshëm, dhe ne jemi duke jetuar në kohën e përkeqësimit të infrastrukturës së ujit”, ka shtuar ai.