Lajme

284 kosovarë kanë dënime alternative nga gjykatat në Shqipëri

Autori: Gazeta inFokus 10:49 | 11 October 2022

Ministrja e Drejtësisë e Kosovës, Albulena Haxhiu dhe ministri i Drejtësisë së Shqipërisë Ulsi Manja, kanë mbajtur sot një konferencë për media në Prishtinë, ku kanë folur për bashkëpunimin në rritje mes dy ministrive.

Manja ka thënë se shtetasit e Kosovës kanë të njejta të drejta siç i gëzojnë qytetarët e Shqipërisë për të bashkëpunuar në fushën civile dhe tregtare.

Ai më tej tregojë numrin e kosovarëve që janë të dënuar nga gjykatat në Shqipëri, e që sipas tij me marrëveshjen që pritet të finalizohet mes Kosovës dhe Shqipërisë, Shërbimi Korrektues i Kosovës do t’i mbikëqyrë dënimet e kosovarëve në Shqipëri.

-Advertisement-

“Do të kemi shumë shpejt zbatimin e një marrëveshje për shtetasit kosovar të dënuar me dënime alternative. Është një numër rreth 284 shtetas të Kosovës që paraqiten çdo muaj në shërbimin e provës në Shqipëri. Pas finalizimit të marrëveshjes do të jetë shërbimi Korrektues i Kosovës që do të mbiqkyr dënimet alternative të shqiptuara nga Gjykatat në Shqipëri”, tha Manja.

Ai tha se po punohet për njohje reciproke të provimeve të Jurisprudencës.

Subscribe në YouTube: GAZETA INFOKUSI