25 vjet nga rënia heroike e Jasharëve, sot nis Epopeja

Autori: Gazeta inFokus
08:57 | 05 March 2023
Sot bëhen 25 vite që nga rrethimi i familjes së Jasharëve, në Prekaz të Drenicës.
Sulmin e gjerë që e kishte ndërmarrë Serbia në Drenicë për të zhdukur Ushtrinë Çlirimtare të Kosovës e kishte koncentruar në Prekaz, në zemrën dhe kokën e UÇK-së, duke i bërë asaj një rrethim të hekurt.
Ajo që kishte ndodhur në fillimet e marsit të vitit 1998 ka qenë një dëshmi e gjallë për botën e qytetëruar dhe përgjegjësit e saj politik e diplomatik. Në të vërtetë kjo ngjarje aq e drejtpërdrejtë dhe aq e fuqishme për nga përmasat e saj të flijimit unikat, të qëndresës e të masakrimit, ka ngritur çështjen e Kosovës në krye të agjendës botërore. Kështu, në natën e 4 e 5 marsit të vitit 1998, Prekazi ishte rrethuar nga forcat e shumta ushtarake dhe policore. Kjo kishte lënë të kuptohej se atje do të kishte rrethim të hekurt.
Pikërisht, më 5 mars bëhen 25 vjet të rënies së komandantit legjendar, Adem Jasharit, familjes së tij dhe Jasharëve të tjerë. Mirëpo, çdo përvjetor Adem Jasharin e bënë më të lavdishëm në historinë e kombit tonë.
Me aktin e rënies së komandantit legjendar Adem Jasharit, familjes së tij dhe Jasharëve të tjerë, Kosova kishte mundur frikën me çka i kishte hapur shtigjet e lirisë dhe të ardhmërisë. Dhe jo rastësisht, në Prekaz, në Lagjen e Jasharëve ishte ngritur monumenti më i madh i luftës për liri, për pavarësi e demokraci, që këto ditë dhe data, e pikërisht 5,6,7 mars për çdo vit vëmendja e të gjithë kombit shqiptar kthehet nga Prekazi, që shekuj e vite i kishte dhënë shumë Kosovës.
Që nga viti 1991 deri më 1998, Prekazi dhe Drenica kishin qenë të rrethuar nga forcat paramilitare serbe. Synimi kishte qenë vrasja e komandantit të Ushtrisë Çlirimtare të Kosovës, Adem Jashari dhe familjes së tij, për të shuar dhe shtypur rezistencën që familja Jashari me në krye Ademin e Hamzën që ishin duke ia bërë regjimit të Sllobodan Millosheviqit.
Më 30 dhjetor të vitit 1991, ishte kryer sulmi i parë ndaj familjes Jashari. Ndërsa sulmin e dytë forcat paramilitare serbe e kishin kryer në muajin janar, 1998. Më 22 janar, forcat serbe kishin sulmuar familjen Jashari, por edhe kësaj beteje, fëmijët dhe gratë e familjes Jashari i kishin rezistuar. Megjithatë, në këtë betejë që kishte zgjatur afër 30 minuta, të plagosura kishin mbetur Iliriana, vajza e Rifat Jasharit dhe Selvetja, vajza e Hamzë Jasharit. Pas këtij sulmi, familjes Jashari i kishin shkuar miq, shok e bashkëkombës për t’u solidarizuar me ta. Ata i kishin kërkuar kryefamiljarit Jashari që t’i tërheqin gratë dhe fëmijët nga aty. Por, edhe gratë dhe fëmijët kishin marrë vendimin që të qëndrojnë, duke thënë se “po të vriten djemtë, nuk na vyen jeta të jetojmë” dhe kishin vendosen të qëndronin. Kishin qëndruar për t’i treguar botës se shqiptarët nuk shkojnë askund përtej truallit dhe shtëpive të tyre.
Sulmi i tretë, që kishte ndodhur më 5, 6 dhe 7 mars të vitit 1998, kishte marrë jetën e 55 njerëzve në fshatin Prekaz, 22 prej të cilëve, familjarë të ngushtë të Adem Jasharit. Këtij sulmi i kishte mbijetuar vetëm Bashkimi, djali i Rifatit, i cili ia kishte dalë që mes datës 5-6 mars të largohej nga rrethina dhe kishte arritur t’i shpëtonte sulmit, si dhe Besarta, vajza e Hamzës, e cila kishte parë dhe përjetuar tmerrin, derisa ishin duke u vrarë anëtarët e familjes së saj.
Historia e familjes Jashari dhe eksponatet e saj janë vendosur në Muzeun e Epopesë së Ushtrisë Çlirimtare të Kosovës.
Në 25-vjetorin e rënies heroike të komandantit legjendar Adem Jashari, familjes Jashari, dëshmorëve të kombit, si dhe të gjithë të rënëve për liri, Qeveria e Kosovës më 5, 6 dhe 7 mars do të organizojë manifestimin gjithëpopullor “Epopeja e Ushtrisë Çlirimtare të Kosovës”.
Sot do të nisin homazhet në Prekaz, derisa në Kazermën “Adem Jashari”, në Prishtinë, duke nisur nga ora 12:00 do të zhvillohet ceremonia e rreshtimit të kuadrateve të FSK-së.
Kurse, nesër do të vazhdojnë homazhet në Prekaz, pastaj Kuvendi i Kosovës do të mbajë seancë solemne, e pasdite do të mbahet Akademi Përkujtimore.
Ndërsa, më 7 mars do të zhvillohet nata e zjarreve në Prekaz, si dhe një program artistik në sheshin e Skenderajt./KP

Të tjera
-
Bislimi i kërkon Sorensenit “plan sekuencimi të drejtë dhe të barabartë” për zbatimin e Marrëveshjes së Ohrit
Zëvendëskryeministri Besnik Bislimi e priti gjithashtu në takim emisarin e ri...
-
Pse zviceranët paguajnë më shtrenjtë për blerjet online
Dihet mirë se zviceranët janë të mbingarkuar pothuajse për çdo gjë. Megjithat...
-
Memli Krasniqi takon emisarin Sørensen: Dialogu Kosovë – Serbi duhet të rifillojë me qasje konstruktive dhe të përfundojë me njohje të ndërsjellë
Kryetari i Partisë Demokratike të Kosovës, Memli Krasniqi ka pritur në takim ...
-
Abdixhiku takohet me Sorensen, diskutojnë për procesin e dialogut Kosovë – Serbi si dhe integrimin e Kosovës në BE
Pas Ramush Haradinajt, me përfaqësuesin e posaçëm të BE-së për dialogun Kosov...
-
Haradinaj takohet me Sorensenin: Theksova rëndësinë e partneritetit BE-SHBA për sukseset në Kosovë dhe regjion
Kryetari i AAK-së, Ramush Haradinaj e ka takuar emisarin e Bashkimit Europian...
-
Gjendet shëndosh e mirë 15 vjeçarja nga Kosova, e zhdukur në Francë
Ambasada e Shqipërisë në Paris njofton se 15-vjeçarja nga Kosova, Merina Syla...
-
Një e treta e kompanive industriale zvicerane po punojnë me kohë të shkurtër
Punonjësit në shumë kompani industriale të vogla dhe të mesme në Zvicër aktua...
-
Pak ditë pasi mori detyrën, kryeministri kanadez fton Zelenskyn të marrë pjesë në samitin e G7 në qershor
Kanadaja, e cila mban presidencën e radhës të G7 këtë vit, ka ftuar president...
-
Veseli, Krasniqi e Selimi ngushëllojnë Thaçin për vde*kjen e babait: Nuk kurseu asgjë për lirinë
Në orët e vona të së dieles, ka vdekur Haxhi Thaçi, babai i ish-presidentit t...
-
Kurti e informon Sorensenin për “hapat drejt formimit të institucioneve”: BE t’i heqë menjëherë masat ndaj Kosovës
Kryeministri i Kosovës, Albin Kurti e informoi të dërguarin e Bashkimit Europ...
-
“Persona të njëjtë, kimik të njëjtë…”- VV’ja kundërshton rezultatin përfundimtar, akuzon LDK’në për votat me postë
Lëvizja Vetëvendosje e ka deponuar një ankesë në Panelin Zgjedhor për Ankesa ...
-
Murati: Haxhi Thaçi ia la Kosovës trashëgimi një ndër bartësit kryesorë të lirisë së saj
Kryetari i Lëvizjes për Bashkim, Valon Murati i ka shprehur ngushëllime për v...