140 mijë vaksina kundër gripit sezonal në Kosovë, orari i vaksinimit në disa komuna
![](https://gazetainfokus.com/wp-content/uploads/2021/10/vaksina-2-1024x646-1-600x360-2.jpg)
Autori: Gazeta inFokus
12:07 | 30 October 2021
Javën që lamë pas, saktësisht më 27 tetor kanë nisur shpërndarja e 140 mijë vaksinave kundër gripit sezonal në Kosovë.
Ministria e Shëndetësisë kishte njoftuar se kategoritë me prioritet për vaksinim kundër gripit sezonal janë: qytetarët mbi 65 vjeç, personat me sëmundje kronike, gratë shtatzëna dhe lehonat, personeli shëndetësor dhe fëmijët me indikacione shëndetësore.
“Koha për vaksinim është tani, sepse vaksina ju mbron juve dhe njerëzit përreth nga gripi sezonal si dhe e ul ngarkesën e sistemit shëndetësor gjatë pandemisë Covid-19. Secila komunë do të informoj qytetarët e saj për oraret dhe qendrën e vaksinimit kundër gripit sezonal”, thuhej në njoftim.
E tashmë disa komuna kanë nisur vaksinimin kundër gripit sezonal, disa pritet të nisin, raporton Telegrafi.
Në Prishtinë, vaksinimi kundër gripit ka nisur më 28 tetor, nga ora 08:00 deri në 19:00 në sallën 1 Tetori.
Kryetari i komunës së Prishtinës, Shpend Ahmeti në një postim në Facebook kishte shkruar se grupet me prioritet për vaksinim janë: punëtorët shëndetësor, personat mbi moshën 65 vjeç, personat me sëmundje kronike, shtatzënat dhe fëmijët me imunitet të dobësuar.
Të premten, më 29 tetor edhe në Fushë Kosovë ka filluar vaksinimi kundër gripit sezonal.
Kështu është bërë e ditur në një njoftim të Komunës së Fushë Kosovës.
“Nga sot, e premte datë 29.10.2021 do të filloj vaksinimi i qytetarëve të Fushë-Kosovës me vaksinën kundër gripit sezonal. Vaksinimi do të bëhet çdo ditë pune nga ora 07:00 deri 19:00 në sallën e sportit të shkollës fillore ‘Vëllezërit Frashëri’ në fshatin Miradi e Poshtme (lokacioni i njëjtë ku bëhet vaksinimi kundër COVID19)”, thuhet në njoftim.
Ndërkaq, sot, më 30 tetor procesin e vaksinimit kundër gripit e ka nisur edhe komuna e Gjilanit.
Qendra Kryesore e Mjekësisë Familjare (QKMF) në Gjilan është furnizuar me vaksina të gripit sezonal dhe nga e shtuna fillon dhënia e tyre.
Kështu është thënë në njoftimin e Komunës së Gjilanit.
Sipas njoftimit, drejtoresha Arbenita Hajdari ka bërë të ditur se dy ditët e para (e shtunë dhe e diel) vaksinimi do të bëhet në Qendrën e Mjekësisë Familjare në lagjen Dardania, nga ora 10:00 deri në orën 16:00.
Nga e hëna, 1 nëntor, vaksinimi bëhet në tri Qendra të Mjekësisë Familjare: në QKMF, si dhe në ambulancat ‘Dheu i Bardhë’ dhe ‘Ramiz Cërnica’ (te Zalli), duke filluar nga ora 8:00 deri në 14:00.
“Vaksinat kundër gripit sezonal janë të dedikuara për grupet më të ndjeshme, si të moshuarit dhe të prekurit nga sëmundjet kronike, si nevojë për rritjen e aftësisë reaguese të organizmit ndaj viruseve të ndryshëm”, tha ajo.
Ndërkaq, nga komuna e Gjakovës, përkatësisht Drejtoria për Shëndetësi dhe Mirëqenie Sociale është njoftuar se është bërë furnizimi me vaksina kundër gripit sezonal në një sasi prej 8 mijë dozash.
Shpërndarja e këtyre vaksinave bëhet nga e hëna deri të premten prej orës 08:00 deri në 20:00 në qendrën e vaksinimit në sallen e Edukatës Fizike në shkollën “Fehmi Agani”.
![](https://gazetainfokus.com/wp-content/uploads/2023/07/foto-oksigjenni.png)
Të tjera
-
Musliu- Rizvanollit: S’keni faj ju po minatorët, që ju lejojnë me i poshtëru
Deputetja e Partisë Demokratike të Kosovës, Ganimete Musliu duket të jetë...
-
Zemaj i reagon Sveçlës: Minatorët mund t’i mashtroni, por hajna s’i bëni kurrë
eputeti i Lidhjes Demokratike të Kosovës, Armend Zemaj i ka reaguar ashpër Mi...
-
Ja si mund të votojnë mërgimtarët në zgjedhjet e 9 shkurtit
Zgjedhjet e rregullta për Kuvendin e Republikës së Kosovës do të mbahen me 9 ...
-
Një këmbësore goditet për vdẹkje nga një veturë në rrugën Prishtinë – Fushë Kosovë
Një person ka vdekur të shtunën mbrëma pasi është goditur nga një veturë ...
-
Arrestohen dy serbë në Gjakovë, posedonin substanca nạrkotike
Dy serbë janë arrestuar në Gjakovë, pasi gjatë kontrollimit nga policia, në m...
-
Edhe Sveçla i falënderon serbët për konvertimin e patentë shoferëve
Ministri i Punëve të Brendshme, Xhelal Sveçla ka falënderuar qytetarët serbë ...
-
Elezi: Mërgimtarët mund të regjistrohen në tri mënyra për të votuar në zgjedhje
Zgjedhjet e rregullta për Kuvendin e Republikës së Kosovës do të mbahen me 9 ...
-
Bie fluksi në pikat kufitare
Fluks më i vogël i automjeteve vërehet sot në pikat kufitare. Sipas Qendrës K...
-
Pamja me minatorë që nxiti reagime, Rizvanolli: Trepça objekt i keqpërdorimit të pafundëm, punësuan njerëz për vota
Ministrja e Ekonimisë, Artane Rizvanolli ka thënë se ndërmarrja “Trepca”, ësh...
-
Kurti i jep lamtumirën e fundit aktivistit të VV-së që vdịq në moshë të re
Kryeministri i Kosovës, Albin Kurti sot ka marr pjesë në ceremoninë e var...
-
Lirohet një plazh i uzurpuar në Himarë, 12 persona do të ndiqen penalisht
Në kuadër të planit operacional për kontrollin dhe lirimin e hapësirave bregd...
-
Kurti falënderon serbët që i konvertuan patentë shoferët
Afati për konvertimin e patentë shoferëve ilegalë të lëshuar nga strukturat i...