12 vite burgim për Ekrem Bajroviqin për krịme luftẹ kundër civilëve me 1999
![](https://gazetainfokus.com/wp-content/uploads/2024/07/e-600x360-1.jpeg)
Autori: Gazeta inFokus
12:36 | 19 July 2024
Departamenti Special i Gjykatës Themelore në Prishtinë, e ka dënuar me 12 vjet burgim Ekrem Bajroviqin për veprën penale “Krime lufte kundër popullatës civile në bashkëkryerje”.
Të akuzuarit do t’i llogaritet edhe koha e kaluar në paraburgim, nga data 19.10.2022 e tutje, por jo më shumë se dënimi i shqiptuar me këtë aktgjykim. Ndaj të akuzuarit Bajroviq vazhdohet masa e paraburgimit deri në plotfuqishmërinë e aktgjykimit, por jo më shumë se dënimi i shqiptuar me burgim.
Sipas Gjykatës, i akuzuari detyrohet që t’i paguajë shpenzimet e paushallit gjyqësor në shumë prej treqind (300) euro si dhe në emër të programit për kompensimin e viktimave të krimit shumën prej njëqind (100) euro, të gjitha këto në afat prej pesëmbëdhjetë (15) ditëve, nga dita e plotfuqishmërisë së këtij Aktgjykimi.
Të dëmtuarit për realizimin e kërkesës pasurore-juridike udhëzohen në kontest të rregullt juridiko-civil.
Aktakuza ndaj Ekrem Bajroviqit
Gjatë kohës luftës në Kosovë, respektivisht me datën 07 dhe 08 maj 1999, gjatë një aksioni të forcave ushtarake, paramilitare dhe forcave policore serbe, kundër popullatës civile shqiptare në fshatrat Stradran, Zallc, Gurrakoc dhe fshatrat tjera përreth të Komunës së Istogut, i detyruan popullatën civile që t’i lëshojnë shtëpitë tyre dhe i urdhëruan që të shkojnë në Shqipëri, ashtu që i akuzuari E.B, si polic në Stacionin Policor në Gurrakoc – Ministrinë e Punëve të Brendshme të Serbisë, në bashkëkryerje me pjesëtarë të tjerë të forcave policore, ushtarake dhe paramilitare serbe, kishin vepruar në këto fshatra, në kundërshtim me Ligjin Penal të ish-Republikës Socialiste Federative të Jugosllavisë (ligj në fuqi në kohën e kryerjes së veprës penale) dhe me Rregullat e së drejtës ndërkombëtare gjatë kohës së luftës, konkretisht nenin 3 të përbashkët për katër Konventat e Gjenevës të datës 12 Gusht të vitit 1949 dhe Protokollet shtesë, ashtu që mori pjesë në dëbimin, vrasjen dhe ushtrimin e dhunës ndaj popullatës civile shqiptare.
Më 08 maj 1999, në fshatin Staradran, Komuna e Istogut, derisa kolona e popullsisë civile e nacionalitetit shqiptar ishte duke shkuar në drejtim të Shqipërisë, u ndal nga forcat ushtarake dhe policore serbe ku bënte pjesë edhe i akuzuari E.B, ashtu që nën kërcënimin e armëve i ndan meshkujt nga pjesa tjetër civile, ku ishin gratë, pleqtë dhe fëmijët, ashtu që fillimisht iu marrin paratë dhe gjësendet e tjera me vlerë, e më pastaj të gjithë i vendosin në oborrin e shtëpisë së D.Z duke i renditur në radhë një nga një, me duar të ngritura lart dhe me fytyrë nga muri i oborrit. Pastaj i sulmojnë fizikisht, duke i rrahuar me mjete të ndryshme duke shkaktuar dhunë dhe duke u shkaktuar lëndime të rënda trupore, duke ju thënë “Ku e keni NATO-n”, “Ku e keni UÇK-në”, dhe më pas së bashku edhe me forcat paramilitare i dërguan një nga një në shtëpinë e Z.S dhe i pushkatojnë të paktën 16 (gjashtëmbëdhjetë) civilë të nacionalitetit shqiptar, në mesin e tyre edhe të mbijetuarin këtu të dëmtuarin N.E, të cilin e kishin goditur me një predhë të një mitralozi në pjesën e fytyrës dhe kishin gjuajtur si të vdekur në grumbullin e kufomave tjera, mirëpo i njëjti iu kishte mbijetuar plagëve, me ç’rast kishte mbetur i plagosur rëndë, kurse të vrarë kishin mbetur D.G, H.E, N.E, M.E, M.E, Sh.E, N.E, A.E, I.A, M.D, B.D, R.Sh, G.I, B.M, J.A dhe I.L.
Po ashtu me 7 maj 1999 në fshatin Staradran, ka marrë pjesë në arrestimin dhe keqtrajtimin e 84 (tetëdhjetekatër) civilëve të nacionalitetit shqiptar, ashtu që fillimisht të dëmtuarit (meshkujt) i ndajnë nga kolona tjetër e civilëve, u marrin të gjitha paratë dhe sendet e tjera me vlerë, e pastaj që të gjithë i dërgojnë në Gurrakoc në lokalin e Sh.S ku i kishin maltretuar dhe torturuar në mënyrë ç‘njerëzore, ndërsa me 8 maj 1999 i kishin transferuar në stacionin policor në Gurrakoc, ku kolonës i printe i akuzuari E.B dhe i njëjti e kishte goditur me pjesën e pasme të automatikut të dëmtuarin A.T në anën e djathtë nën brinjë dhe pas vendosjes në stacionin policor në Gurrakoc kanë filluar duke i torturuar në mënyrë çnjerëzore duke u shkaktuar lëndime të rënda trupore, dhunë psikike, traumë dhe pasoja në shëndet dhe duke i kanosur seriozisht për jetë, veprime këto të sanksionuara sipas ligjeve vendore, zakoneve të luftës dhe Konventave Ndërkombëtare të Gjenevës dhe Protokolleve Shtesë.
![](https://gazetainfokus.com/wp-content/uploads/2023/11/Untitled-design-2-1024x538-1.png)
Të tjera
-
Asnjë ditë burg, 2 mijë e 50 euro gjobë- Kaq është dënuar i famshmi Salih Sekiraqa nga shteti i Kosovës
Një ndër emrat e njohur për organet e rendit, për shkak të të kaluarës së tij...
-
”Prishtina si Texasi”, reagon Besnik Tahiri
Pas ngjarjeve që tmerruan kryeqytetin ditët e fundit, ka reaguar deputeti nga...
-
Haliti: Qëndrimi i ambasadave, i arsyeshëm për politikën dhe të ardhmen e Kosovës
Policia e Kosovës ka nisur të premten një aksion për mbylljen e disa objektev...
-
“90% e prishtinalive e kanë CD-në e Ceces në makinë”
Dardan Islami teksa po debatonte në Pressing në T7 tha se 90% të qytetarëve t...
-
Haziri për Marrëveshjen e Ohrit: Gjëja më e keqe që i ka ndodhur Kosovës
Nënkryetari i Lidhjes Demokratike të Kosovës, Lutfi Haziri ka thënë se Marrëv...
-
Aksident mes dy veturave e një traktori në Klinë, lëndohen tre persona
Një aksident mes dy veturave dhe një traktori ka ndodhur pasditen e sotme në ...
-
A u shpartallua grupi i Radojçiq? Flet zv.drejtori i Policisë
Zëvendësdrejtori i Policisë së Kosovës, Veton Elashni ka folur për situatën n...
-
Gjuajtje me armë zjarri në Podujevë, dy të arrestuar
Të shtëna me armë zjarri ka pasur sonte në Podujevë. Gazeta Express mëson se...
-
Kurti takohet me Zeqir Gërvallën, e quan shok të idealit që nga koha e zyrës së UÇK-së në Prishtinë
Kryeministri i Kosovës, Albin Kurti, është takuar me Zeqir Gërvallën, që thot...
-
Largohen autoblindat e karabinierëve që po qëndronin mbi Urën e Ibrit
Dy autoblindat e fundit të karabinierëve italianë janë larguar nga Ura e Ibri...
-
Vuçiq e mohon se Beogradi e ka qëllim zhvendosjen e serbëve të Kosovës në Sanxhak
Presidenti i Serbisë, Aleksandar Vuçiq, ka thënë se serbët e Kosovës do të va...
-
Udhëtarët kosovarë përjetojnë tmerrin në Düsseldorf: Bllokohen mbi 1 orë brenda aeroplanit pasi aeroportin e kaplon stuhia
Udhëtarët në aeroportin në Düsseldorf të Gjermanisë janë bllokuar për rreth n...