Sport

10 blerjet e afatit kalimtar të verës

Autori: Gazeta inFokus 09:02 | 01 September 2017

Dje ishte dita e fundit e merkatos verore të futbollistëve, e cila këtë vit, ashtu si stina, ishte vërtetë mjaft e nxehtë.

PSG mund të cilësohet si mbreti i kësaj merkatoje, me afrimin e Kylian Mbappe dhe veçanërisht brazilianit Neymar, i cili u bë futbollisti më i shtrenjtë në historinë e futbollit, plot 222 milionë euro. Po në Francë, ekipi kampion i Monakos arriti të arkëtojë shuma jashtëzakonisht të mëdha, me shitjen e disa prej yjeve të saj

Barcelona vendosi gjithashtu një rekord të sajin, me 148 milionë eurot e paguara për afrimin e Dembele nga Borusia Dortmund, ndërsa Real Madrid ishte protagonist i merkatos në dalje, me largimin e Morata, James, Pepe dhe Danilo.

-Advertisement-

Në Angli, dy Manchesterët dhe Chelsea, ishin mjaft aktive në merkato, ndërsa për Liverpool mund të thuhet se mbajtja e Coutinhos, ishte arritja më e madhe e kësaj merkatoje, shkruan “Top Channel”.

Në Itali, Milani bën një merkato me shumë emra, ku spikat Leonardo Bonucci i ardhur nga Juventusi. Bardhezinjtë afrojnë disa futbollistë, por asnjë emër të bujshëm, ndërsa Inter duket se goditjen më të madhe e ka bërë me trajnerin Luciano Spalletti.

Në Gjermani, goditjen e vetme të madhe, të merkatos në hyrje, e bëri Bayern Munchen, me transferimin nga Reali të kolumbianit James Rodriguez

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

sport