1 vit burgim dhe 2 mijë euro gjobë ndaj të akuzuarit për falsifikim të tenderit mbi 800 mijë euro për renovimin e objektit të PSRKS-së
Autori: Gazeta inFokus 14:20 | 10 October 2022
Gjykata Themelore në Prishtinë e ka shpallur fajtor dhe e ka dënuar me 1 vit burgim efektiv dhe 2 mijë euro gjobë, Tahir Sopën, për vepër penale “Keqpërdorim dhe mashtrim në prokurim publik”.
Sopa, përfaqësues i firmave “NBT ING SHPK” dhe “NPN Bajramaj”, akuzohej se me dokument të falsifikuar kishte fituar tender mbi 800 mijë euro për renovimin e objektit të Prokurorisë Speciale të Republikës së Kosovës (PSRK).
Aktgjykimi në fjalë u shpall të hënën, nga kryetari i trupit gjykues, gjykatësi Naser Foniqi, raporton “Betimi për Drejtësi”.
Sipas këtij aktgjykimi, në dënimin e shqiptuar me burgim, të akuzuarit do t’i llogaritet edhe koha e kaluar në masën e paraburgimit dhe arrestit shtëpiak.
Kurse, dënimin e shqiptuar me gjobë, i akuzuari mund ta paguajë deri në tre këste.
Nëse dënimi i shqiptuar me të holla nuk mund të ekzekutohet, gjykata do t’i caktojë të dënuarit dënim me burgim, duke e llogaritur shumën prej 20 euro për një ditë burgimi.
Me anë të këtij aktgjykimi, të akuzuarit Sopa i ndalohet edhe marrja pjesë në procedurat për dhënien e kontratave në prokurim publik, në kohëzgjatje prej një viti, pasi që ky aktgjykim të marrë formën e prerë.
Gjykatësi Foniqi deklaroi se për këtë vendim, trupi gjykues ka vlerësuar edhe pranimin e fajit nga i akuzuari për letër-përkrahjen e falsifikuar.
Sopa u detyrua që të paguajë edhe shpenzimet e procedurës në shumë prej 200 euro dhe 50 euro për fondin e kompensimit të viktimave të krimit.
Për realizimin e kërkesës pasurore-juridike, pala e dëmtuar është udhëzuar në kontest civil.
Palët e pakënaqura kundër këtij aktgjykimi kanë të drejtë ankese, brenda afatit prej 15 ditësh pasi që ta pranojnë aktgjykimin.
Ndryshe, më 26 nëntor 2021, trupi gjykues i udhëhequr nga gjykatësi Naser Foniqi, e kishte dërguar këtë rast në Departamentin e Përgjithshëm, por që më tutje ishte vendosur që kompetent për ta trajtuar këtë rast është Departamenti i Krimeve të Rënda.
Sipas aktakuzës së përpiluar më 27 korrik 2021, Tahir Sopa më 12 dhjetor 2019, në cilësinë e përfaqësuesit të firmave “NBT ING SHPK” dhe “NPN Bajramaj”, kishte prezantuar dokument të falsifikuar për të fituar tenderin në vlerë mbi 800 mijë euro, për renovimin e objektit të Prokurorisë Speciale të Republikës së Kosovës.
Në aktakuzë thuhet se të dyja këto firma, përfaqësuesi i të cilave ka qenë i akuzuari Sopa kishin aplikuar në tenderin e shpallur nga autoriteti kontraktues, Këshilli Prokurorial i Kosovës (KPK) dhe se njëra nga kushtet për përmbushjen e kontratës ka qenë një deklaratë që vërteton disponueshmërinë e 200 mijë eurove në llogarinë bankare, si vlerë për të siguruar tenderin.
Sipas aktakuzës, i akuzuari Sopa kishte prezantuar letër-përkrahje të lëshuar kinse nga NLB Banka për përkrahjen e kompanisë “NBT ING SHPK” për garancion bankar në vlerë 200 mijë euro, e cila letër-përkrahje ka rezultuar si e falsifikuar.
Për këto veprime, Sopa ngarkohej se me vetëdije kishte shkelur rregullat e prokurimit publik duke paraqitur dokumentacion të rrejshëm, me anë të cilit është shpallur fitues i tenderit në vlerë 811 mijë e 372 euro e 13 centë, me këtë rast i kishte shkaktar dëm buxhetit të KPK-së.
Sopa ngarkohej me veprën penale “Keqpërdorimi dhe mashtrimi në prokurim publik”, nga neni 415, paragrafi 3, i Kodit Penal, ku kryerësi dënohet me gjobë dhe me burgim prej një deri në tetë vjet. /BetimipërDrejtësi
Të tjera
-
Haradinaj për rastin e Faton Hajrizit: Haxhiu është dashur të pranojë se kemi dështuar brenda territorit tonë
Kreu i Aleancës për Ardhmërinë e Kosovës [AAK], Ramush Haradinaj ka kritikuar...
-
Bajrami i reagon ashpër Mihalit: Shefja e nëntokës së VV’së, zyrtarja që kurdisë gjithçka në partinë në pushtet e shtet
Dejona Mihali, Koordinatore e Komiteteve në Lëvizjen Vetëvendosje, ka shkruar...
-
AGK-ja denoncon fushatën e rrezikshme akuzuese të deputetëve të VV-së kundër “Periskopit” dhe “Nacionales”
Asociacioni i Gazetarëve të Kosovës është i alarmuar me fushatën e re të Lëvi...
-
Serbia dërgoi shenjat e gishtërinjëve të një personi, MPJD-ja tregon se a i përkasin Faton Hajrizit
Ministria e Punëve të Jashtme dhe Diasporës ka njoftuar se është konfirmuar v...
-
Serbia nuk i përgjigjet Kosovës për Faton Hajrizin, MPJD flet me familjen dhe ankohet te vendet e QUINT-it
Kosova po pret përgjigje për konfirmimin e identitetit të personit të vrarë n...
-
Koci: Kam biseduar me vëllain e Fatonit, e kam mision kthimin e trupit të tij në Kosovë
Avokati Arianit Koci, në një deklaratë për Nacionalen, ka folur rreth çështje...
-
121 kërkesa të paraqitura sot për konvertimin e patentë shoferëve ilegalë serbë
121 kërkesa për konvertimin e patentë shoferëve ilegalë serbë, në ata legal R...
-
Kjo është gruaja që u arrestua pasi dyshohet se e ndihmoi Faton Hajrizin të arratiset
Dy persona janë arrestuar në Kosovë si të dyshuar se ndihmuan Faton Hajrizin ...
-
Prokuroria Speciale konfirmon intervistimin e ministres Albulena Haxhiu
Prokuroria Speciale ka konfirmuar se ministrja e Drejtësisë, Albulena Haxhiu,...
-
Mustafa: Kur Qeveria e quan Kosovën “projekt të përkohshëm”, s’është çudi që kështu na trajton edhe BE-ja
Deputeti i Lidhjes Demokratike të Kosovës, Besian Mustafa tha se “nuk është p...
-
Departamenti amerikan i Shtetit e emëron pasuesin e Escobarit: Aleksander Sasha Kasanof
Aleksander “Sasha” Kasanof është njeriu i zgjedhur për ta pasuar Gabriel Esco...
-
Mbyllen dy pompa në veri të Kosovës, Inspektorati publikon pamje
Dy pika të derivateve në Zveçan dhe Leposaviq janë mbyllur përkohësisht nga I...