Sport

⚽️Shikoni si e quan De Biasi mbrojtjen e Juventusit

Autori: Gazeta inFokus 18:14 | 04 May 2017

Trajneri i përfaqësueses shqiptare, Xhani De Biazi, ka analizuar fitoren e mbrëmshme të Juventusit ndaj Monakos

Sipas trajnerit, opinionist në rrjetin televiziv RSI për Ligën e Kampioneve, diferencën e bëri eksperienca e lojtarëve të të dy skuadrave.

“Juventusi është një skuadër e kompletuar, e cila ka eksperiencë. Ka luajtur përballë një skuadre me më pak eksperiencë si Monako. Këtë herë besoj se u pa kjo diferencë në fushën e lojës. Ekzistonte dëshira e mirë dhe vullneti nga lojtarët e Monakos për të arritur një rezultat të rëndësishëm”.

“Le të themi se nuk ishin me fat sidomos në rastet e krijuara, ashtu si nuk ishte Barcelona në ndeshjen e parë. Mendoj se gjithsesi ishte një ndeshje e luajtur mirë nga Juventusi, ka bërë pikërisht ndeshjen që dëshironte”.

-Advertisement-

“Juve është e pakalueshme, përveç të tjerash. Forca e Juventusit është ajo e Kombëtares italiane. Tre qendërmbrojtësit janë titullarë në kombëtare ku ndonëse nuk kanë ekipin më të mirë të dekadave të fundit, kanë zhvilluar një Europian shumë të mirë”.

Subscribe në YouTube: GAZETA INFOKUSI