Sport

⚽️ Ramos ka një mesazh për Zidanin e Perezin

Autori: Gazeta inFokus 14:08 | 12 June 2017

Sergio Ramos mendon se Real Madridi nuk duhet ta ndryshojë skuadrën për sezonin e ardhshëm.

James Rodriguez e Alvaro Morata, janë dy lojtarët që tashmë raportohet se do të largohen nga “Santiago Bernabeu”.

Por, kapiteni i Real Madridit, Sergio Ramos, u ka dërguar mesazhe Florentino Perezit dhe Zinedine Zidanes, duke thënë se po të varej nga ai, nuk do të ndryshonte skuadrën për sezonin 2017/18.

“Nëse do të varej nga unë, do të ndryshoja shumë pak gjëra në këtë skuadër të Madridit”, tha Ramos, në njëfarë mënyre duke i dërguar mesazhe edhe lojtarëve që flitet se mund të largohen nga “Bernabeu”.

-Advertisement-

Më tej Ramos foli edhe për sezonin e Realit, që e konsideron si të kompletuar.

“Kemi bërë një sezon pothuajse të kompletuar, do t’i kisha vënë notën nëntë”, shtoi Ramos.

“Sezoni më i mirë në karrierën time? Ndoshta. Jam shumë i lumtur për kontributin që kam dhënë këtë vit”, u shpreh më tej kapiteni i “Los Blancos.

Ramos e mbylli sezonin më të mirë në aspektin individual, duke shënuar 10 gola, tre më shumë se që cdo seozn tjetër, teksa shtatë prej tyre kanë ardhur në La Liga.

Subscribe në YouTube: GAZETA INFOKUSI