Sport

⚽️ Ish futbollisti i Man Utd: Shaqiri është si Lionel Messi (FOTO)

Autori: Gazeta inFokus 14:40 | 29 July 2017

Darren Fletcher ka vetëm lëvdata për Xherdan Shaqirin.

Darren Fletcher ka krahasuar Xherdan Shaqirin me yllin e Barcelonës, Lionel Messi.

“Nuk po them se është Messi, por ai ka atë qendër të ulët të njëjtë të gravitetit dhe mund ta kalojë lehtë secilin që i del përpara. Pra, ai është me të vërtetë një lojtar fantastik. Është një lojtar i fuqishëm dhe mahnitës, por gjëja e tij më e madhe është prekja e parë e topit. Thjesht fantastike”, ka deklaruar ai.

“Ai përdorë forcën e tij kur lëviz topin dhe kalon lojtarët e fortë apo diçka të tillë. Dallimin në fushë e bën një lojtar që di ta bëjë prekjen e parë të topit. Ai është shumë i mirë. Ishte pozitiv në ndeshjen e fundit miqësore kundër Sheffield United, kalonte lojtarët, krijonte raste dhe gjuante bukur. Shënoi edhe gol”, ka shtuar Fletcher.