Sport

⚽️ Griezmann njeri besnik, ja pse nuk kaloi te Manchester United

Autori: Gazeta inFokus 19:20 | 13 June 2017

Anthonie Griezmann nuk ka pranuar të largohet nga Ateltico Madridi për shkak të vendimit të arbitrazhit që e vërtetoi dënimin ndaj klubit spanjoll për ndalimin e transferimeve.

“Pas vendimit të CAS, Atletico nuk mund të marrë lojtarë. Së bashku me këshilltarin tim kemi vendosur të qëndroj. Është kohë e vështirë për klubin. Do të ishte goditje po të largohesha tani”, tha sulmuesi që nënshkroi kontratë 5 vjeçare ditë më parë.

Bllokada e transferimeve ndaj Atleticos skadon në janar, dhe pas përfundimit të sezonit të ardhshëm, Griezmann pritet të kalojë në radhët e Manchester United, raportojnë mediat angleze.

-Advertisement-

Kjo pasi klauzola për shkëputjen e kontratës me Atleticon ka mbetur e njëjta, 100 milionë euro. Këtë shumë United ishte i gatshëm ta paguante edhe këtë verë.

Subscribe në YouTube: GAZETA INFOKUSI