Sport

​Ish-trajneri i Real Madridit bëhet me klub të ri

Autori: Gazeta inFokus 09:45 | 30 December 2020

Santiago Solari ka marrë rolin e tij të parë si trajner që nga koha e tij e pasuksesshme në Real Madrid duke marrë drejtimin e Club America.

Në një deklaratë të së martës klubi konfirmoi emërimin e Solarit për 2021 Liga MX Clausura, që këtë vit u quajt Torneo Guard1anes 2021.

Presidenti i klubit Santiago Banos tha: “Ne e pranuam që Solari ka një profil ideal për projektin tonë sportiv.”

-Advertisement-

“Gjatë gjithë karrierës së tij si futbollist dhe menaxher, ai ka qenë në gjendje të përmbushë me sukses kërkesat dhe objektivat e ekipeve si Club America, qëllimi i vetëm i të cilave është titulli.”

Solari zëvendësoi Julen Lopetegui në Santiago Bernabeu në sezonin e komplikuar 2018-19 që pasoi triumfin më të fundit të Madridit në Ligën e Kampionëve dhe largimin pasues të Zinedine Zidane, përcjell KosovaPress.

Ish-mesfushori i Argjentinës Solari, i cili kaloi pjesën më të mirë të karrierës së tij në Madrid, u emërua nga Los Blancos – fillimisht në një bazë të përkohshme – në Tetor 2018, pasi kishte qenë tashmë në klub si trajneri i Castilla.

Subscribe në YouTube: GAZETA INFOKUSI
Etiketa:
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

sport