Sport

Bayern Munich në bisedime me Chelsean për Hudson-Odoi

Autori: Gazeta inFokus 10:24 | 02 October 2020

Gjiganti bavarez Bayern Munich, spekulohet se janë në bisedime të avancuara me skuadrën londineze Chelsea, për Callum Hudson-Odoi. Bayern me ngulmë po kërkon një sulmues anësorë si rezervist dhe kanë identifikuar Hudson-Odoin si zgjedhje të shkëlqyer.

Me ardhjen e transfereve të reja tek Chelsea si Werner, Pulisic, Havertz dhe Ziyech si duket gjasat që Hudson-Odoi të qëndroj me ekipin e teknikut Lampard janë shumë të vogla.

Bayern vitin e kaluar ka bërë shumë oferta për Hudson-Odoin të cilat krerët e Chelseat i kanë refuzuar menjëherë.

-Advertisement-

Këtë edicion transferesh, “Bavarezët” janë rikthyer përsëri pas 20 vjeçarit anglez, ku thuhet se kanë bërë ofertë drejt Chelseat që ta marrin lojtarin në formë huazimi, ku spekulohet që “Blutë” e Londrës do ta pranojnë ofertën.