Sport

⚽ Sergio Ramos ka disa fjalë edhe për Mbappe

Autori: Gazeta inFokus 19:42 | 08 July 2017

Kylian Mbappe është shëndrruar në njërin nga senzacionet më të mëdha të sezonit të shkuar.

Rendimenti i tij eskponencial me Monacon, skuadër me të cilën ishte kyç në fitimin e kampionatit dhe aritjen deri në gjysmëfinale të Champions League, ka provokuar dhe ka nxitur shumë ekipe të mëdha Europiane të luftojnë për të fituar shërbimet e tij.

Mes skuadrave që kanë treguar më së shumti interesim kanë qenë Real Madridi dhe Paris Saint Germain, me këta të fundit që janë të gatshëm të paguajnë deri në 140 milion euro për shërbimet e tij. Pa dyshim, brenda klubit nga Bernabeu, nuk e japin si të humbur futbollistin dhe gjatë kësaj merkatoje do të bëhet një tentim për t’a marë atë.

-Advertisement-

Elozhe nga të gjithë

Njëri nga lojtarët e Real Madridit që ka thurur elozhe për fenomenin Francez ka qenë edhe kapiteni Sergio Ramos. Herën e parë ishte në marsin e këtij viti kur u përballën me kombëtaret e tyre, Spanjë vs Francë. I pyetur ekskluzivisht nga mediat Spanjolle, mbrojtësi 31 vjeçar ka qenë i qartë në lidhje me opinionin e tij për Mbappe.

Kështu, para konferencës për media, Sergio Ramos potenconte: ”Franca ka një kombëtare shumë të mirë me lojtarë të rinjë. Nuk janë lojtarë që kanë një projekt, por janë lojtarë që vijnë të dëshmojnë që janë shumë të mirë. Griezmann, Pogba, Varane, Mbappe.. Janë lojtarë që bëjnë diferencën dhe mendojmë që Franca është njëra nga kombëtaret për t’u mposhtur në këto vitet e fundit.”

Në ditët e fundit, në një intervistë ku ai promovonte takat e reja Nike Tiempo 7, kapitenti potenconte: ”Kam parë ndeshjet që më është dashur t’i luaj ndaj tij dhe disa nga ndeshjet në Champions sezonin e shkuar. Në këtë aspekt, mendoj se është një lojtarë i madh me një të ardhme shumë të mirë përpara. Është shumë i shpejtë, dominues, ka golin në këmbët e tij dhe do të jetë aty duke luftuar gjithmonë me më të mirët.”

Subscribe në YouTube: GAZETA INFOKUSI