Sport

⚽ Ibrahimovic- Milan, vjen lajmi i papritur

Autori: Gazeta inFokus 15:21 | 26 June 2017

Zlatan Ibrahimovic është një lojtar i lirë dhe tashmë është në kërkim të një skuadre të nivelit të lartë.

Shtatlarti suedez po rikuperohet në mënyrë impresionuese, nga dëmtimi i rëndë që pësoi në prill të këtij viti dhe mund tu rikthehet fushave të blerta më herët sesa mendohej. Por me Manchester United që ka vendosur të mos ia rinovojë kontratën sulmuesit suedez, Ibra bashkë me menaxherin e tij Mino Raiola janë vënë në lëvizje për të gjetur një klub të ri tek i cili Zlatan do të vazhdojë karrierën.

35-vjecari mendon se ka ende potencialin për të luajtur në një skuadër të madhe në Europë dhe nuk e mendon kurrë një kalim të mundshëm në një kampionat të niveli më të ulët sic mund të jetë transferimi në Ameërikë.

-Advertisement-

Sipas mediave spanjolle menaxheri Mino Raiola ia ka propozuar futbollistin Realit të Madridit, por presidenti i Los Blancos, Florentino Perez nuk duket shumë i emocionuar nga ideja dhe gjasat janë të vogla që veterani suedez të transferohet në Santiago Bernabeu kur të riaftësohet plotësisht nga dëmtimi.

Një opsion i mundshëm për Ibrën mund të jetë edhe rikthimi te Milani ndërkohë që ‘bomberi’ suedez ka refuzuar një ofertë të Valencias.

Subscribe në YouTube: GAZETA INFOKUSI