Skuadra e Trepçës ’89 ka regjistruar një fitore rutinore përballë Hajvalisë tashmë të dorëzuar. Treshja e frikshme e sulmit tek “minatorët” Hasani, John, Hajdari realizuan nga një gol për të përmbyllur një tjetër ‘mision’ të rradhës, raporton Gazetasheshi.com.

Dueli u zhvillua në Kishnicë duke filluar nga ora 15:00 dhe është ndjekur live nga Gazeta Sheshi:

Hajvalia – Trepça ’89  0-3

-Mbyllet ndeshja.
90′ Misini gjuan drejt portës së Hajdini që ndal me plot sukses goditjen e tij.
89′ Një tjetër rast për Hysenin, i cili pasi shmanget bukur nga mbrojtësit vendas, gjuan me të majtën jashtë portës.
86′ Hasan Hyseni gjuan drejt portës, pret ‘gardiani’ Borovci.
77′ Mustafa godet drejt portës vendase, por pa sukses.
72′ Goool. Fiton Hajdari realizon pas një pakujdesi të mbrojtjes së vendasve për ta trefishuar epërsinë.
69′ Jashari dështon të realizojë nga afërsia, duke gjuajtur mbi traversë pas pasimit të mrekullueshëm të Hajdarit.
62′ Goool. Otto John realizon pas një pasimi fantastik të Malokut, duke dyfishuar epërsinë e udhëtuesve, 0-2.
52′ Pajaziti shfrytëzon një pasim të mrekullueshëm nga Kçqiku, por gjuan drejt në duart e Hajdinit.
49′ Sërish është kapiteni Shpëtim Idrizi që gjuan drejt portës vendase, por pa sukses.
47′ Idriz gjuan nga distanca, por mbi portë.
-Starton pjesa e dytë.

-Mbyllet pjesa e parë.
46′ Hajdari gjuan drejt portës, pret Borovci me plot sukses.
45′ John kalon ‘gardianin’ Borovci, por gabon në pasim.
35′ Vitia provon goditjen drejt portës, por pret ‘gardiani’ Hajdini. Njëherit ky ishte rasti i parë në ndeshje për skuadrën vendase.
32′ Sambu pason bukur në zonë për Hasanin, i cili gjuan drejt portës, por pret ‘gardiani’ Borovci.
27′ Hajdari godet shtyllën pingule nga afërsia duke dështuar ta dyshojë epërsinë.
26′ Goool. Potoku harkon në zonë për Hasanin i cili realizon në portën e zbrazët.
17′ Broja tenton goditjen nga distanca, por larg portës.
05′ Hajdari gjuan drejt portës së Hajvalisë, por topi shkon jashtë portës.
03′ Potoku harkon në zonë për Otto John, i cili gjuan me kokë jashtë portës.
-Starton ndeshja.

Formacionet zyrtare:

Hajvalia: Burovci, Leci, Tabaku, Rashiti, Avdullahu, Dulahu,Morina, Vitia, Kqiku, Pajaziti, Ajeti. Kryetrajner: Emin Bajrami.

Trepça ’89: Hajdini, Islami, Sambu, Izmaku, Potoku,Maloku, Broja, Hasani, Hajdari, Idrizi, Oto John. Kryetrajner: Zekerija Ramadani.

Gjyqtarë: Leutrim Mustafa, Jakup Musolli, Kujtim Bajrami, Ilir Shuleta.

Klinika Zhan Mitrev i kërkon Prokurorisë sqarime, e dorëzon një kallëzim penal

Sponsoruar