Sport

⚽️Gattuso tregon nëse është me Juventusin apo Realin në finale të Championsit

Autori: Gazeta inFokus 15:42 | 23 May 2017

Gattuso shpreson që Juventusi do ta fitojë Ligën e Kampionëve, pasi dëshiron që trofeu të rikthehet në Itali.
Juventusi dhe Real Madridi do të përballen me 3 qershor në finale të Ligës së kampionëve në Kardif.

“Zonja e Vjetër” dëshiron ta përsërisë atë që bëri Interi në vitin 2010, duke fituar tripletën e famshme. Juve tashmë ka fituar Ligën dhe Kupën e Italisë.

Derisa Real Madridi dëshiron të fitojë këtë trofe dhe të shkruajë histori, duke u bërë skuadra e vetme që e fiton dy herë me radhë.

-Advertisement-

Legjenda e Milanit, Gennaro Gattuso, ka thënë se për shkak që është italian, në finale të Champiosnit e mbështet Juventusin.

“Si një italian, unë jam për Juventusin”, tha fillimisht Gattuso për Sky.

“Duhet të rikthehemi në maje të Evropës dhe shpresoj që një ekip italian do ta rikthejë trofeun në shtëpi”, shtoi ai.

“Dukej e pamundur dy apo tri vite më parë, por sot, kjo Juve, me stadiumin e ri dhe bordin e ri kanë ndërtuar një skuadër të fuqishme”, shtoi legjenda Milanit.

“Ata nuk duken si ekip italian dhe natyrisht se kjo është shumë e mirë për futbollin tonë”, përfundoi Gattuso.

Subscribe në YouTube: GAZETA INFOKUSI