Sport

⚽️ A do ta fitojë Reali La Ligan? Përgjigjet Zidane

Autori: Gazeta inFokus 15:44 | 25 April 2017

Zinedine Zidane, trajneri i Real Madridit, ka mbajtur konferencën për media para ndeshjes me Deportivo La Corunan, e cila luhet nesër.

Real Madrid ka humbur pozitën e parë në La Liga pas humbjes nga Barcelona në El Clasico, me rezultat 2:3.

Barcelona ka marrë primatin në La Liga me 75 pikë të tubuara, sa kanë edhe Los Blancos. Por, Real Madridi ka një ndeshje më pak të zhvilluar.

-Advertisement-

“A jeni të detyruar ta fitoni La Ligën? Detyra ime është që të jap maksimumin çdo ditë, atëherë në futboll kurrë nuk i dihet. Ne kemi fatin tonë në duart tona dhe nuk varet nga askush”, ka deklaruar ai.

“Çfarë do të ndryshoni në El Clasico: Unë nuk do të ndryshoj asgjë. Ne kemi luajtur një lojë të madhe. Gabimet? Po, të gjithë bëjmë. Por, unë nuk do të ndryshoja asgjë”, ka theksuar ai.

Zidane në fund ka thënë se Real Madridit është mirë fizikisht. Këtë gjë thotë se e kanë dëshmuar ndaj Barcelonës dhe Bayern Munichut.

Subscribe në YouTube: GAZETA INFOKUSI