Sport

⚽️ Pepe nuk largohet nga Real pa e “thumbuar” Zidanen

Autori: Gazeta inFokus 16:55 | 07 June 2017

Pepe do të largohet nga Real Madrid gjatë kësaj vere pasi nuk arriti të bindte klubin dhe trajnerin për një rinovim kontratë dhe sipas raporteve do t’i bashkohet njërit midis Inter dhe PSG.

Pepe kaloi 10 vjet në kryeqytetin spanjoll pasi iu bashkua Los Blancos nga Porto, por thotë se është larguar nga klubi pa shkëmbyer asnjë fjalë me trajnerin e tij.

“Nuk i thashë mirupafshim Zidane-s pasi ai dhe Real Madrid e dinin përpara meje se çfarë do të ndodhte,” shprehet portugezi për stacionin radiofonik Cadena Cope të martën.
-Advertisement-

“Ajo që ka bërë Zidane te Real është spektakolare, por ka gjëra të cilat nuk mund t’i kuptoj, si për shembull arsyen pse u zhduka nga ekipi,” shprehet 34-vjeçari, i cili vuajti të gjente hapësira në gjysmën e dytë të sezonit dhe u zëvendësua nga Rafael Varane. Pepe gjithashtu u shpreh se e vetmja arsye pse u largua nga klubi ishte se nuk iu ofrua një rinovim kontrate.

Image result for pepe zidane