Sport

⚽️ Munishi përsëri “godet” Mimoza Kusari-Lilën

Autori: Gazeta inFokus 18:00 | 21 June 2017

Vazhdon dueli interesant në distancë mes kryetares së Komunës së Gjakovës, Mimoza Kusari-Lila dhe trajnerit të ri të Vëllaznimit, Ismet Munishi.

Sot, Kusari-Lila ka publikuar foto interesante në rrjetin social Facebook me legjendën e boksit botëror, Vitali Klitschko.

“Nuk ka hajgare me kryetaret e komunave se kam punë me ta mandej, thotë Vitali Klitschko, kryetari i Kievit, Ukrainë. Si dhe porosi, që keni mungesë të muskujve në Qeverisje, ja ku jam”, ka shkruar Mimoza.

-Advertisement-

 

Sigurisht, këta rreshta ishin një thumbim interesant për Ismet Munishin, i cili reagon menjëherë.

Në një prononcim për gazetën, Munishi e ka një porosi për Kusari-Lilën.

“Shpresoj që s’i ka tregu Klitschkos sa pare ja ka dhënë Vëllaznimit në dy vitet e fundit, se kokëm bo horë. Lojtarët e Dinamo Kievit me ato para hanë vetëm kikirika”, deklaroi Munishi për “GazetaOlle.com”.

Dueli mes Kusarit dhe Munishit nisi pas deklaratave të këtij të fundit në emisionin “Arena” në Tribuna Channel, ku ai sulmoi Komunën e Gjakovës për mos-mbështetje të Vëllaznimit.

Gjithsesi, ky “rivalitet” në distancë bëhet vetëm për një qëllim – forcimin e klubit ikonë të qytetit.

Image

Subscribe në YouTube: GAZETA INFOKUSI
Etiketa:
Black Friday në Comodita Home: Përfito 100€ extra zbritje në dyshekë
-Advertisement-

Të tjera

Fokusi

sport