Sport

⚽️ Malaga kërcënon Real Madridin (Video)

Autori: Gazeta inFokus 17:30 | 18 May 2017

E gjithë vëmendja është te ndeshja Malaga – Real Madrid, ndeshje e cila do të vendosë titullin në La Liga.

Real Madridi është tre pikë para Barcelonës dhe kanë nevojë për një pikë që të shpallen kampion të Spanjës, ose duhet të shpresojnë në dështimin e Barcelonës.

Tashmë lojtarët dhe trajneri i Malagas janë në qendër të vëmendjes nga gjitha mediat spanjolle.

-Advertisement-

Gjatë ditës së sotme, kur lojtarët po shkonin në stërvitje – “El Chiringuito de Jugones” vizitoi qendrën stërvitore të klubit spanjoll, ku edhe shfrytëzoi rastin të marrë mendime të ndryshme.

Lojtarët e Malagas premtojnë se do të japin gjithçka të dielën mbrëma që t’ia humbin titullin Real Madridit.

Por me këtë rast do të humbin edhe një milionë euro, pasi çdo triumf në La Liga i Los Blancos, Malaga merr këtë shifër për shkak të marrëveshjes për shitjen e Iscos vite më parë.

Ignacio Camacho, kapiteni i Malagas, premton se do të zbresin në fushë për të dhënë më të mirën ndaj Realit, kjo edhe për faktin se ka polemika të shumta se Malaga mund t’ia lëshojë ndeshjen mysafirëve.

“Nuk mund të dyshoni te ne”, ishin fjalët e kapitenit të Malagas, pas polemikave të shumta.

Derisa trajneri i Malagas, Michel, thotë se skuadra e tij do të dalë në fushë të bëjë atë që ka bërë gjatë gjithë sezonit dhe në ndeshjet e fundit, pas provokimeve nga gazetarët se ai është madrilen dhe mund të mos i kushtoi aspak rëndësi kësaj ndeshje, në mënyrë që Realit të fitojë titullin.

Ral Madridi aktualisht ka 90 pikë, pas fitores me Celta Vigon, tri pikë më shumë se Barcelona. Xhiro e fundit zhvillohet të dielën nga ora 20:00.

Subscribe në YouTube: GAZETA INFOKUSI