Sport

⚽️ Mahnitëse, ja me çfarë teknologjie bëhet FIFA

Autori: Gazeta inFokus 20:15 | 15 June 2017

Federata Botërore e Futbollit (FIFA) ka vendosur objektivat e saj për sistemin eksperimental të video-kontrollit që do të testohet në Kupën e Konfederatës, që fillon të shtunën në Rusi.

Sipas fjalëve të kreut të komisionit të referëve, Massimo Busacce, qëllimi i kontrollit video është eliminimi i gabimeve trashanike dhe jo përsosmëria.

‘Teknologjia duhet të ndihmojë gjyqtarët që të eliminojnë gabimet trashanike në lojë, të cilat kujtohen edhe gjatë pas tyre’, ka thënë Busacca.

-Advertisement-

FIFA dëshiron që video-asistenti (VAR) të vihet në përdorim vitin e ardhshëm gjatë kampionatit botëror në futboll Rusi 2018, në mënyrë që të ndihmojë në marrjen e vendimeve në situata kyçe, si gjatë shënimit të golave, penaltive, kartonat e kuq dhe rastet gjatë gabimit të identitetit.

Megjithatë, video-asistenti që është përdorur këtë muaj në kampionatin botëror U20 në Korenë e Jugut dhe në disa ndeshje miqësore të kombëtareve ngjalli polemika të shumta.

Drejtori teknik i FIFA-s, Marco van Basten, konsideron se ‘cilësia e vendimeve ishte shumë e lartë, mirëpo jo e përkryer’.

Subscribe në YouTube: GAZETA INFOKUSI