Llapit i ka shkuar huq një edicion i plotë. Pavarësisht investimeve të konsiderueshme, premive të vazhdueshme dhe shumë përpjekjeve të tjera, llapjanët e mbyllën edicionin duarthatë. Ata nuk e arritën titullin e kampionit, pasi përfunduan në vendin e tretë të Superligës, shkruan sot gazeta “Zëri”.

Dështuan ta fitojnë edhe Kupën pasi në finale u mposhtën nga Besa, me ç’rast ëndrra e tyre, posaçërisht e trajnerit Tahir Batatina, për të dalë në Evropë, mbeti vetëm një ëndërr. Kjo pasi Besa e fitoi Kupën.

Por, meqenëse pejanët nuk kanë licencë për gara evropiane, sipas rregullave, mundësinë automatikisht e ka fituar nënkampionia e Kosovës, që në këtë rast është Prishtina dhe krejt kjo ka bërë që pas finales së humbur llapjanët të lëshojnë reagime jo fort të matura, por edhe të çuditshme.

-Advertisement-

Me fjalë tjera, ato linin të nënkuptohej se Llapit “i ka mbetur merak” që Besa nuk ia lëshoi lojën, ndërsa në futboll, siç dihet botërisht, lëshimi i lojës do të thotë kurdisje apo mashtrim, siç e konsideron Kodi Penal i Kosovës.

“Besa ka luajtur për Prishtinën. Prishtina le t’ia japë ato para që ia ka premtuar Besës. Kurse, përderisa unë të jem trajner apo udhëheqës i Llapit Besa do të luajë sërish me ne dhe këtë sigurisht se do t’ia kthejmë”, ka thënë potencuar trajneri dhe investitori Tahir Batatina.

Llapi thërret Prokurorinë: Këqyri kurdisjet e Besës!

Llapi aq shumë është mllefosur në Besën, saqë dëshiron ta shohë në karrigen e të akuzuarve. Trajneri Tahir Batatina insiston se klubi pejan është i përfshirë në afera të korrupsionit apo krimit të organizuar për shkak se specialitet e ka kurdisjen e rezultateve të ndeshjeve.

Andaj, Batatina i ka bërë thirrje Prokurorisë së Shtetit që të ndërmarrë masa ndaj pejanëve. “Besa e Pejës ka qenë kurdisja e ndeshjeve dhe Prokuroria besoj se do ta zbardhë rastin dhe ky klub duhet të kalojë në Ligën e Dytë pasi që ka manipuluar në kampionat dhe në Kupë me Trepçën”, ka thënë Batatina.

“Besoj se Prokuroria do t’i kërkojë videot nga lojtarët e Trepçës ku ashiqare flitet për kurdisjen e ndeshjes dhe besoj në Prokurorinë dhe në institucionet tona shtetërore”, ka theksuar Batatina.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-