Sport

⚽️ Humor me komentin në fotografinë e Ergys Kaçes (FOTO)

Autori: Gazeta inFokus 16:21 | 06 Qershor 2017

Shaka në rrjete sociale në ekipin e Kombëtares shqiptare.

Kombëtarja humbi në mënyrë të turpshme ndaj Luksemburgut 2-1, por atmosfera te kuqezinjtë mesa duket është mjaft pozitive. Ata janë mjaft aktiv në rrjetet sociale, aq sa nuk mungon edhe humori veçanërisht me Ergys Kaçen.

“Kaçe, zemra e vogël”, i shkruan Bekim Balaj në “Instagram” mesfushorit korçar të Kombëtares shqiptare. Por, një “kompliment” të çuditshëm i ka bërë Etrit Berisha, transmeton “Albeu.com”.

Pas një foto të publikuar nga Kaçe, teksa ndodhej në qendrën e Luksemburgut bashkë me Strakoshën, Latifin, Grezdën dhe Roshin, kanë vërshuar komentet e kuqezinjve, duke filluar nga Balaj, Sadiku, Hysaj dhe Berisha.

-Advertisement-

Ky i fundit, duke pyetur Hysajn për Kaçen, shkruante: “Ça bën ky ku.va? Ka bo njet me fut ni gola?”. Mesfushori i ka marrë me sportivitet komentet, duke qeshur pas batutës së Berishës, që bashkë me Balajn mungojnë në dy ndeshjet e radhës.