Sport

⚽️ Futbollistët e Kosovës, të interesuar të votojnë

Autori: Gazeta inFokus 13:24 | 06 June 2017

Kjo pasi ata, në këtë ditë, do të jenë në Shkodër, kur edhe do ta luajnë ndeshjen e radhës, kundër Turqisë, të vlefshme për kualifikimet e botërorit Rusia 2018.

Futbollistët e përfaqësueses së Kosovës nuk do të mund të dalin në vendvotime, të dielën, më 11 qershor, kur vendoset kush do ta qeverisë shtetin, në katër vjetët e ardhshme.

Kjo pasi ata, në këtë ditë, do të jenë në Shkodër, kur edhe do ta luajnë ndeshjen e radhës, kundër Turqisë, të vlefshme për kualifikimet e botërorit Rusia 2018.

“Do të shohim nëse mund të votojmë më herët, apo si bëhen këto punë”, ka thënë trajneri i përfaqësueses, Albert Bunjaku, i pyetur nga Klan Kosova, pas ushtrimeve në stadiumin Agron Rama”, në Obiliq.

-Advertisement-

“Jemi të interesuar për të votuar, për ta ushtruar të drejtën tonë për të votuar”.

Ai ka thënë se nuk pret që zgjedhjet të kenë ndonjë ndikim te lojtarët.

“Jo. Ndoshta më tepër do të kenë ndikim te tifozët se a do të mund të vijnë në ndeshje apo jo”, shtoi Bunjaku.

Edhe futbollisti Milot Rashica ka thënë se personalisht nuk do të ndikohet nga fakti se vendi që ai përfaqëson, mban zgjedhje, ditën e ndeshjes kundër Turqisë.

“Nuk më intereson kush fiton”, iu përgjigj ai klankosova.tv.