Sot filloi seminari për gjyqtarë dhe kontrollorë në kuadër të përgatitjeve për edicionin  e ri të garave dhe i cili do të zgjasë deri më 5 gusht.

Ky është seminari i parë nën përkujdesjen e FIFA-s me ligjërues instruktorë të FIFA-s. Ligjërues do të jenë: Alan Snoddy – Instruktor i FIFA-se për Gjyqtarë dhe përgjegjës për Kosovën në Konventën e UEFA-se dhe Simon Breivik – Trajneri i fitnesit i Gjyqtarëve të Premier Ligës Angleze. Duke i shpallur të hapura punimet  e këtij seminari, presidenti i FFK-së z.

Fadil Vokrri që po shoqërohej edhe nga nënpresidenti Agim Ademi, ka falënderuar dhe i ka dëshiruar qëndrim të këndshëm në  Kosovë, z. Alan Snoddy instruktor i FIFA-s për gjyqtarë dhe para gjyqtarëve ka folur për rëndësinë e këtij seminari, i cila tha se është i veçantë dhe ka peshën e  vet  sepse është i pari seminar që po organizohet nën përkujdesjen e FIFA-s.

-Advertisement-

Presidenti Vokrri theksoi nevojën për organizimin e shumë seminareve në të ardhmen për ngritjen profesionale të gjyqtarëve të futbollit, të cilët tashmë janë pjesë e FIFA-s. Në vazhdim fjalën e mori instruktori i FIFA-s z. Alan Snoddy, i cili përshëndeti presidentin Vokrri  dhe krerët e FFK-së duke thënë se është i gëzuar që ka mundësi t’i ndihmojë FFK-së e me këtë rast gjyqtarëve e kontrollorëve të futbollit, me të cilët tha se do të ndanë dhe do të transmetojë përvojën dhe gjithë dijen e tij. Më pastaj z. Snoddy para të pranishmeve në mënyrë të ilustruar analizuan je vetëm rregullat e futbollit por edhe situatat e ndryshme që mund të paraqiten gjatë një ndeshje futbolli.

Në vazhdim para gjyqtarëve dhe kontrollorëve ligjëroi edhe z. Ejup Osmani, zyrtar për integritet në FFK, i cili tha se UEFA, FIFA  por dhe FFK-ja do të mbrojnë integritetin e garave dhe do të monitorojnë e propozojnë masa në mënyrë që garat të kenë rrjedhë normale. Z. Osmani vuri në dukje se ndeshjet duhet  të zhvillohen në frymë sportive e të drejt dhe epilogu i ndeshjeve të jetë si rezultat i asaj që tregohet në fushë. UEFA dhe FIFA dhe federatat kombëtare me  këtë rast FFK-ja, përmes organeve të veta dhe unë si urë lidhëse ndemjet FFK-së dhe UEFA-s jemi të vendosur të monitorojmë dhe të mbrojmë futbollin nga dukuritë negative sidomos nga manipulimet.

Ju, tha z. Osmani, do të përballeni me presione të ndryshme nga ata që tentojnë të manipulojnë ndeshjet, po ju duhet të jeni syhapur dhe të vendosur në zbatimin e rregullave dhe të etikës në futboll.  Ata që manipulojnë në futboll janë njerëz të krimit të organizuar dhe paraja e tyre është e ndyrë sepse vjen nga droga dhe tregtitë e palejueshme. Prandaj në drejtim të parandalimit të kësaj dukurie duhet të angazhohemi të gjithë së bashku për luftimin e tyre./infokusi.com

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-