Lajme

​3 mijë e 130 raste aktive me COVID-19

Autori: Gazeta inFokus 07:28 | 04 September 2020

Dy rastet e para të të infektuarve me virusin korona në Kosovë, u paraqitën më 13 mars. Prej kësaj kohe e deri më tash, numri i rasteve të infektuarve ka shkuar në 13 mijë e 791, ndërsa 10 mijë e 113 persona kanë arritur që të shërohen nga COVID-19.

Por 548 persona kanë vdekur shkak i infektimit me këtë virus.

Nga të dhënat e Institutit Kombëtar të Shëndetësisë Publike në Kosovë, 3 mijë e 130 janë raste aktive.

-Advertisement-

E gjatë së enjtes IKSHPK njoftoi se rastet e reja të të infektuarve me COVID-19 për 24 orëshin e fundit ka qenë 78, ndërsa i të shëruarve 190.

“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR dhe në laboratoret private, janë testuar gjithsej 459 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 78 raste pozitive. Brenda 24 orëve janë raportuar 9 raste të vdekjes me SARS CoV-2 pozitiv. Numri total i rasteve pozitive është 13.791 raste nga 52.616 persona të dyshimtë në virusin SARS-CoV-2 dhe 548 raste të vdekjes. Gjatë 24 orëve të fundit, janë shëruar 190 pacientë derisa numri i përgjithshëm i të shëruarve deri më sot është gjithsej 10.113 raste, kurse numri i rasteve aktive është 3.130”, thuhet në raportin 24 orësh të IKSHPK-së.

Sërish, më së shumti raste janë paraqitur në Prishtinë.

Rastet pozitive janë nga: komuna Prishtinë 29 raste, komuna Prizren 7 raste, komuna Ferizaj 6 raste, komuna Deçan 5 raste, komuna Fushë Kosovë 3 raste, komuna Gjilan 3 raste, komuna Malishevë 3 raste, komuna Pejë 3 raste, komuna Vushtrri 3 raste, komuna Dragash 2 raste, komuna Drenas 2 raste, komuna Hani i Elezit 2 raste, komuna Klinë 2 raste, komuna Mitrovicë 2 raste, komuna Podujevë 2 raste, komuna Skenderaj 2 raste dhe komuna Suharekë 2 raste.

Subscribe në YouTube: GAZETA INFOKUSI
Etiketa:
E PREMTJA E BARDHË NË ETC ME ZBRITJE DERI 50%
-Advertisement-

Të tjera

Fokusi

lajme