Sport

⚽️Mourinho zbulon çfarë i tha Fergusonit pas triumfit në Europa League

Autori: Gazeta inFokus 19:36 | 25 May 2017

Jose Mourinho ka treguar se çka i ka thënë Sir Alex Fergusonit, pas triumfit të Manchester United në Europa League.

Manchester United, arriti që pa shumë mund dhe me një lojë mirë të kontrolluar, të fitoi Europa Leaguen, duke mposhtur 2:0 Ajaxin, me golat e shënuara nga Paul Pogba dhe Henrik Mkhitaryan.

Ky ishte trofeu i vetëm i munguar në historinë e ‘djajve të kuq’, dhe ky sukses iu garanton pjesëmarrjen në Ligën e Kampionëve për edicionin e radhës.

“Bëra shaka me Fergusonin, i thash se bëra pak punë për të”, ka deklaruar Mourinho për ‘Sky Italia’, përcjell lajmi.net.

-Advertisement-

**Jose Mourinho me trofeun e Europa League**

“Sepse ne tani kemi të gjithë trofetë evropian, dhe unë e fitova atë që atij i mungonte”, ka shtuar portugezi.

Tifozët e United janë duke shpresuar që Jose Mourinho të jetë një pasardhës i denjë i Sir Alexit, për të rikthyer ditët e lavdishme në ‘Old Trafford’.

Subscribe në YouTube: GAZETA INFOKUSI