Sport

⚽ Milan nuk ka të ndalur, vjen edhe goditja e radhës (Foto)

Autori: Gazeta inFokus 10:49 | 05 July 2017

AC Milan është skuadra më aktive gjatë këtij afati kalimtar.

Drejtuesit e rinj të Milanit janë shumë aktiv gjatë kësaj vere, ku deri me tani kanë zyrtarizuar transferimin e gjashtë lojtarëve.

Kjo nuk është e gjitha, ku përveç Nikola Kalinic, i cili tha se dëshiron të largohet nga Fiorentina për të kaluar në Milan, këtë dëshirë e ka edhe mbrojtësi italian i Atalantas, Andrea Conti.

-Advertisement-

Ai thotë se nuk e di kur do të ndodh transferimi në Milan, por dëshiron që sezonin e ardhshëm të luajë në San Siro.

“Milan është një ëndërr dhe shpresoj se do ta vesh fanellën kuq e zi sezonin e ardhshëm”, tha Conti për TMW Radio.

“Nuk e di se kur do të arrihet marrëveshja dhe për këtë pyetni skuadrat, sepse nuk varet nga unë. Jam i gatshëm t’i lë edhe pushimet që kjo marrëveshje të realizohet”, tha në fund Conti.

Milan tashmë ka zyrtarizuar gjashtë lojtarë, Mateo Musacchio, Ricardo Rodriguez, Franck Kessi, Hakan Calhanoglu, Andre Silva dhe Fabio Borini.