Lajme

​Parashikimi i motit

Autori: Gazeta inFokus 07:36 | 22 May 2020

Pas motit jostabil që solli shtrëngata të fuqishme mbi vend, në ditët e ardhshme depërtimi i fushave anticiklonike sjell përmirësim të motit me kthjellime dhe intervale më të gjata me diell, bën të ditur Prishtina Weather.

Shërbimi i meteorologjisë njofton se në aspektin termik edhe ditën e nesërme mbetemi nën ndikim të masave më të ftohta ajrore, por se temperaturat do të shënojnë rritje, e ditën e shtunë do të rriten sërish edhe mbi 20C. Mëngjeset do të jenë të ftohta me temperatura ndjeshëm nën vlera mesatare.

Ditën e diel, kalimi i një fronti të ftohtë do të sjellë vranësira dhe reshje kalimtare shiu.

-Advertisement-

Sipas tendencave të fundit, javën e ardhshme, do të mbizotërojë mot më i freskët dhe i ndryshueshëm, me mundësi për reshje shiu. Temperaturat do të luhaten nën vlera mesatare, thekson PW.

Shërbimi i meteorologjisë bën të ditur se cilësia e ajrit ka filluar të përmirësohet, pasi që erërat e ditëve të fundit kanë shpërndarë pluhurin saharian në juglindje prej rajonit tonë.

Parashikimi për periudhën 22-23 maj:

22.05.2020 – Pas mëngjesit të ftohtë, ditën kryesisht me diell. Temperaturat në vise të ulëta 6C deri 19C, e në vise malore 3C deri 14C. Do të fryj erë e lehtë dhe mesatare nga verilindja 4-10m/s. Indeksi UV: 8.

23.05.2020 – Kryesisht me diell. Mëngjesi i ftohtë, e ditën më ngrohtë. Më vonë gjatë ditës vranësira kalimtare. Temperaturat në vise të ulëta 5C deri 21C, e vise malore 3C deri 15C. Do të fryj erë e lehtë nga perëndimi dhe jugperëndimi 2-4m/s. Indeksi UV: 9.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme