Lajme

Zyrtarja e BE-së publikon letrën dërguar Macronit, kërkon liberalizimin e vizave për Kosovën

Autori: Gazeta inFokus 10:02 | 22 June 2022

Rreth 16 mijë qytetarë deri më tash kanë nënshkruar peticionin për heqjen e vizave për Kosovën, të cilin e ka iniciuar ditë më parë, këshilltarja lokale e Bashkimit Evropian, Kati Shchneeberger.

Në prag të mbajtjes së Samitit të BE-së në Bruksel, Shchneeberger i ka shkruar letër presidentit të Francës, Emmanuel Macron, duke i kërkuar liberalizimin e vizave për Kosovën.

Po ashtu, ajo i ka dërguar edhe peticionin me nënshkrimet që kërkojnë një gjë të tillë.

-Advertisement-

Në letrën e dërguar te presidenti Macron, Shchneeberger ka treguar se tri javë më parë ka qenë në Kosovë ku ka pasur përshtypje të mira – duke thënë se nuk është e drejtë që një popull brenda Evropës të jetë i izoluar.

“Njerëzit nuk mund të lëvizin lirshëm, nuk mund të shkojnë në festa familjare dhe bizneset përballen me vështirësi”, ka thënë ndër tjerash ajo.

Në letër tregohet se vizat kanë edhe shpenzime dhe kjo ia vështirëson jetën popullit të Kosovës.

Samiti i 23 qershorit është përmendur si datë ku mund të shprehet optimizëm për dhënien e dritës së gjelbër për lëvizjen e lirë të qytetarëve të Kosovës, shkruan Telegrafi.

Kosova i ka përmbushur të gjitha kriteret për liberalizmin e vizave por Franca dhe Holanda konsiderohen dy shtetet më skeptike për këtë proces.

Subscribe në YouTube: GAZETA INFOKUSI

Të tjera

Fokusi

lajme