Lajme

Zyrtari policor arreston një person që po sụlmọnte një tjetër gjatë një mosmarrëveshje në komunikacion

Autori: Gazeta inFokus 11:07 | 13 November 2024

Policia e Kosovës ka publikuar pamjet nga një rast në komunën e Shtimës ku një zyrtar policor i cili po qarkullonte me veturë zyrtare, has në një përleshje mes dy personave tjerë.

Në pamjet e publikuara, shihet se si një qytetar shkon dhe e sulmon tek vetura një qytetar tjetër gjatë një mosmarrëveshje në komunikacion.

Në njoftimin e policisë thuhet se zyrtari policor e ka arrestuar menjëherë 64-vjeçarin, e që të njëjtit gjatë kontrollit të veturës i është gjetur një pistoletë me pesë fishekë.

-Advertisement-

Njoftimi i plotë:

Arrestohet një person në flagrancë për sulm fizik ndaj një personi tjetër në Shtime

Me datën 11.11.2024 rreth orës 14:10, derisa polici në detyrë po qarkullonte me veturën zyrtare të policisë në rrugën ” Tahir Sinani ” në Shtime, ka hasur një person , ku si rrjedhojë e një mosmarrëveshje kishte filluar të sulmonte fizikisht një person tjetër që ishte në veturën e tij, duke i shkaktuar lëndime të lehta trupore. Mirëpo, në atë moment i menjëhershëm ka qenë reagimi i policit, i cili e ka arrestuar të dyshuarin për sulm fizik dhe e ka shoqëruar

në stacionin e policisë në Shtime. Gjatë kontrollimit të veturës së të dyshuarit me inicialet H.A ( M/K) i moshës 64 vjeçar është gjetur një armë zjarri ( pistoletë) me 5 fishkë.
I dyshuari pasi është intervistuar nga policët hetues, me vendim të prokurorit të shtetit është ndaluar në mbajtje për 48 orë, për procedura tjera hetimore, ndërsa si provë materiale është sekuestruar arma e zjarrit me fishekë.

Rasti është cilësuar ” Lëndim i lehtë trupor dhe ” Armëmbajtje pa leje”

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme