Lajme

Zyrtari Komunës së Mitrovicës së Veriut dyshohet se pengoi gazetarët, reagon AGK

Autori: Gazeta inFokus 17:55 | 02 October 2024

Asociacioni i Gazetarëve të Kosovës ka reaguar me shqetësim lidhur me, siç thotë, veprimin pengues të shefit të kabinetit të kryetarit të Komunës së Mitrovicës së Veriut drejt gazetares së “Kallxo”, Florinda Kelmendi dhe gazetares së “Telegrafit”, Blinera Mehmeti.

AGK thotë se gazetarët gëzojnë të drejtë për të ushtruar detyrën e tyre të papenguar dhe çfarëdo përpjekje që cenon një të drejtë të tillë është e papranueshme, përkeqëson ambientin e të bërit gazetari dhe pengon informimin e drejtë dhe pasqyrimin objektiv të ngjarjes.

“Derisa unë po xhiroja arrestimin e Alleksandar Arsenijeviq, shefi i kabinetit të kryetarit të Mitrovicës së Veriut, Visar Syla ka vendosur dorën në kamerën e telefonit tim dhe më ka thënë ‘mos xhironi!’. Unë i kam thanë që detyrë e kemi. Njëjtë ka penguar edhe punën e koleges gazetare nga Telegrafi” , është shprehur gazetarja e “Kallxo” lidhur me ngjarjen.

-Advertisement-

“Nuk na ka lon me xhiru, i kemi thonë është detyra jone prape insistojke me ndal xhirimin”, ka thënë gazetarja e “Telegrafit”.

AGK ka bërë thirrje që “zyrtarët shtetërorë të shmangin veprime të tilla që cenojnë punën e gazetarëve” dhe rikujton gjendjen e rënduar të lirisë së medias në vend, që evidentohet edhe në raporte të matësve kredibilë ndërkombëtarë sikurse Reporterët pa Kufij, ku Kosova ka shënuar rënie prej 19 vendesh

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme