Lajme

Zyrtare: Serbia nuk i ka bllokuar mallrat evropiane që kanë destinacion Kosovën

Autori: Gazeta inFokus 21:33 | 24 November 2018

Ministri i Tregtisë në Qeverinë e Serbisë, Rasim Ljajic, ka thënë se nuk do të bllokojnë mallrat që vijnë nga shtete te tjera të Evropës e që për destinacion kanë Republikën e Kosovës.

“Sigurisht që një gjë e tillë nuk është vërtetë. Duket që ata dëshirojnë që një e tillë të ndodh, për të krijuar një tollovi dhe për ta harruar atë se kush fillojë i pari dhe kush është më fajtori”, ka thënë minstri serb, shkruan N1.

Sipas tij Prishtina po tenton që të bind faktorin ndërkombëtar se se fajtori në këtë rast është i dyanshëm.

-Advertisement-

Ai thotë se një vendim i tillë do të dëmtonte raportet e Serbisë me vendet e tjera të Evropës.

“Në rast se do të vendosnim diçka të tillë nuk do të kishim një problem me Kosovën, por me vendet e BE-së me të cilat kemi 65 % të tregtisë”, ka thënë Ljajic.

Lidhur me këtë, zëdhënësja e Qeverisë së Kosovës, Donjeta Gashi, ka thënë se nuk kanë ndonjë informacion për një vendim të tillë të Serbisë që ndalon mallrat nga Evropa që destinohen për Kosovën.

Subscribe në YouTube: GAZETA INFOKUSI

Të tjera

Fokusi

lajme