Lajme

Zyrtare: Qeveria Kurti më në fund del me planin qeverisës

Autori: H. Smajli 13:53 | 03 May 2021

Qeveria Kurti tashmë ka realizuar programin qeverisës për katër vitet e ardhshme.

Këtë e ka bërë të ditur për Gazetën inFokus zëdhënësi i Lëvizjes Vetëvendosje, Arlind Manxhuka, i cili ka thënë se sot janë mbledhur dhe qeveria po u prezanton planin qeverisës, grupit parlamentar të kësaj partie.

“Grupit parlamentar po i prezantohet programi”, ka konfirmuar shkurt ai.

Përderisa ky plan është duke u pritur me padurim nga qytetarët, qeveria fillimisht atë po e prezanton para depuettëve të partisë në pushtet, për të marrë edhe ide e propozime të tjera.

Këtë e ka bërë të ditur përmes një statusi në facebook edhe deputeti i listës “Guxo”, që garuan në një listë me LVV-në në zgjedhjet e 14 shkurtit.

LAJMI I FUNDIT: Të martën arrijnë në Kosovë për herë të parë vaksinat Pfizer

Derisa ka lënë të kuptohet se përparësi në programin qeverisës për katër vitet e ardhshme do të ketë shndetëisë dhe mirëqenia sociale.

“Duke dëgjuar e diskutuar si dhe duke dhënë propozime të reja për programin qeverisës për 4 vitet e ardhshme. #shëndetësi #mirëqenjesociale’, shkruan Avdyli duke bërë të ditur se janë mbledhur në objektin e qeverisë së Kosovës./Gazeta inFokus/

Të tjera